قوتابیێن زانكۆيێن دھۆکێ دێ ئەڤرۆ ژماره‌كا داخوازيان گەھیننە پەرلەمانی
ئەڤرۆنیۆز، سالار دۆسکی
ژڤانە ئەڤرۆ ١-١٠-٢٠١٥ ل دەمژمێر ١١ سپێدێ بەرامبەر نڤسینگەھا دھۆک یا پەرلەمانێ کوردستانێ، قوتابیێن زانکۆیا دھۆکێ یاداشتەکا چەند خالی کو چەندین داخوازی تێدا ھاتینەکرن ب رێکا نڤێسینگەھا دھۆک پێشکێشی پەرلەمانێ کوردستانێ بکەن.
شیروان ئەحمەد مستەفا بەرپرسێ لقا زانکۆ و پەیمانگەھان یا ئێکەتیا قوتابیێن کوردستانێ بۆ مالپەرێ ئەڤرۆ نیۆز گۆت: وەک لقێ زانکۆ و پەیمانگەھا یا ئێکەتیا قوتابیێن کوردستانێ دێ یادەشتەکا چەندین خالی ئەڤرۆ پێشکێشی پەرلەمانێ کوردستانێ کەین.
شێروانی ھەمبەر خالێن یاداشتێ ژی گۆت: مە دڤێت عبور بیتە دو بابەت، ته‌غير حالە، مەزاختیێن قوتابیێن زانکۆیێن ئەھلی بھێنەکێمکرن، دیسان پارێن زارۆیێن شەھیدان ل زانکۆیێن ئەھلی ھەتا نوکە پارێن وان نەھاتینە ڤەگەراندن ڤە.
ھێشتا ژی گۆت: ئەف یاداشتە دێ ھێتە بلندکرن ب وێ مەرەمێ کو کاودانێن نوکە ل کوردستان و تایبەت باژێرێ دھۆکێ تێدا دبوریت ل بەرچاڤ بھێنە وەرگرتن
