قوربانيێن كه‌نيسا مسرێ گه‌هشتنه 80 كه‌سان
ئه‌ڤرۆ نيوز:
وه‌زاره‌تا ساخله‌مى و بنه‌جهكرنا وه‌لاتێ مسرێ ئه‌ڤرۆ رۆژا ئێكشه‌مبى راگه‌هاند، ژمارا كوشتيێن ته‌قينا كه‌نيسا مارى جه‌رجيس ل باژێرێ ته‌نتا “طنطا” گه‌هشته 21 كوشتى و 59 برينداران.
ئاخفتنكه‌رێ ب ناڤێ وه‌زاره‌تێ خالد مجاهد بۆ مالپه‌رێ “اليوم السابع” گۆت: “د ته‌قينا ته‌نه‌كێ نه‌نياس دا ل ناڤ كه‌نيسا مارى جه‌رجيس ل جادا نحاس ل به‌نتا ل پارێزگه‌ها غه‌ربى 21 كه‌سان گيانێ خوه ژ ده‌ست دايه و 59 كه‌س ژى بريندار بووينه”.
ئاخفتنكه‌رێ ب ناڤێ وه‌زاره‌تێ زێده‌تر گۆت: “13 لاشێن مريان بۆ نه‌خۆشخانا “جامعى” هاتينه ڤه‌گوهاستن و هه‌شت حاله‌تێن مرنێ بۆ نه‌خۆشخانا “مه‌نشاوى يا گشتى” و بريندار ژى بۆ وان هه‌ردو نه‌خۆشخانا و “مواسات” و “ئه‌مريكان” هاتينه ڤه‌گوهاستن و چاره‌سه‌ريا پێدڤى بۆ دهێته كرن.
