كارمەندەكا رۆژنامەیا ئەڤرۆ بوو رێڤەبەرا سەنتەرێ یەكسانیا جێندەری
شاكر ئەتروشی
سەرۆكا زانكۆیا پولیتەكنیك/دهۆك، پرۆفیسۆر(د. ئاری عادل) ل رۆژا ئێكشەمبی رێكەفتی 28/6/2026 فەرمانا دەستبكاربوونێ پێشكێشی رێڤەبەرا نوو یا (سەنتەرێ یەكسانیا جێندەری) كر، كو ئەو ژی (شەهلا عیسا) بوو، هەروەسا پیرۆزباهی لێ كرن د ئەركێ وێ یێ نووی دا و بەرهەڤیا زانكۆیێ بۆ پشتەڤانیا سەنتەرێ ناڤهاتی دوپاتكر و داخوازا سەركەفتنێ بۆ كر، هەروەسا سوپاسیا كارو ماندیبوونا ماموستا (سەبریا عەلی) رێڤەبەرا بەرێ یا وی سەنتەری كر بۆ وێ خزمەتا ب درێژاهیا چەند سالێن دەرباز بووی وێ پێشكێشی سەنتەرێ ناڤبری كری، هەتا كو هاتیە خانەنشینكرن. ژلایێ خۆڤە رێڤەبەرا نوو (شەهلا عیسا) سوپاسیا سەرۆكا زانكۆیێ كر كو ئەو باوەری دایێ و ئەڤ ئەركە پێ هاتیە راسپاردن و گۆت: ئەز ژی سۆزێ ددەم كو دێ ب هەموو شیانێن خۆڤە كاركەم بۆ پێشخستنا چەمك و بەرنامەیێن ڤی سەنتەری و ئەنجامدا چالاكیێن كاریگەر و ئەرێنی.
شەهلا عیسا، كو ب (شەهلا رێكانی) یا بەرنیاسە، ئێك ژ كامەندێن چالاكێن رۆژنامەیا ئەڤرۆ بە و بۆ دەمێ چەندین سالانە سەرپەرشتا بەرپەرێ (جڤاك) ە، ل رۆژنامێ، لەورا ئەم ژی ب ناڤێ ستافێ رۆژنامەیا ئەڤرۆ پیرۆزباهیێ ل هەڤپیشەیا خۆ شەهلا خانێ دكەین و داخوازا سەركەفتنێ دكارێ وێ یێ نوو دا بۆ دكەین.
