كومبوونا جڤاتا وه‌زيران ب دووماهى هات
ئه‌ڤرۆ نيوز:
جڤاتا وه‌زيرێن هه‌رێما كوردستانێ ئه‌ڤرۆ كۆمبوونا د خوه دا دانوستاندن ل سه‌ر زێده‌كرنا داهات و چاكسازيێن وه‌زاره‌تا باژێرڤانيان كر و بڕيار ل سه‌ر خشتێ نوو يێ مووچه‌ى نه‌دا.
به‌رى نيڤرۆيا ئه‌ڤرۆ رۆژا سێشه‌مبى كۆمبوونا جڤاتا وه‌زيران ل هه‌ولێر بۆ دانوستاندنێ ل سه‌ر چار ته‌وه‌ران ده‌سپێكر و به‌رى ماوه‌كێ كێم ژى ب دووماهى هات.
نورى عوسمان، سه‌رۆكێ فه‌رمانگه‌ها هه‌ماهه‌نگى و دووڤچوونێ ل جڤاتا وه‌زيران بۆ خه‌ندان راگه‌هاند د كۆمبوونێ دا به‌حس ل زێده‌كرنا داهات و پرۆژه‌كێ جڤاتا بلندا خانمان و چاكسازيێن وه‌زاره‌تا باژێرڤانيان كر.
ده‌رباره‌ى راگه‌هاندنا خشتێ نوويێ مووچه‌ى و كاودانێن دارايى يێن هه‌رێمێ ژى ژى گۆت: “هه‌ر هند به‌حس كر كو دێ هێته به‌لاڤكرن و بۆ خشتێ نوو ژى دڤێت وه‌زاره‌تا دارايى به‌رسڤێ بده‌ت”.
