كچەكا هەشت سالی ڕۆلێ سەرەكی د كورتە فلمی دا دگێڕیت
سندس سالح سلێڤانەیی
كورتە فلمێ (هەستێن مرۆڤاتی) كو ژ نڤیسین و دەرهێنانا هونەرمەند (مەهدی مۆنیر) ە، و ژ بەرهەمێن گرۆپێ بزاڤ/پشكا سینەمایێ یە، سەر ب رێڤەبەریا رەوشەنبیری و هونەری ل ئیدارەیا سەربەخۆیا زاخۆ ژ قۆناغا وێنەكرنێ ب دووماهی هات و نوكە یێ دهێتە مۆنتاژكرن و ل چەند رۆژێن دی بۆ پشكداریكرنێ د فێستیڤالێن سینەمایی دا دێ یێ بەرهەڤ بیت.
عاشۆر بەرواری، ئێك ژ ئەكتەرێن پشكدارە دوی كورتە فلمی دا، بۆ رۆژنامەیا ئەڤرۆ دبێژیت: ئەڤ كورتە فلمە ل دەڤەرا كانی ماسێ، ب تایبەت ژی ل گوندێ بێدوهێ هاتیە وێنەكرن، دەمێ وی دێ دناڤبەرا (10) هەتا (12) خولەكان دا بیت (6) ئەكتەر تێدا د پشكدارن، ئەو ژی (مەهدی مونیر، ئالا عەبدوالرەحمان، ئەحمەد عەبدولوەهاب، سوهەیب، دگەل نەڤیا من (ئەسنیات) كو ژیێ وێ (8) سالن رۆلێ سەرەكی دڤی كورتە فلمی دا دگێڕیت، ناڤەڕۆكا فلمی بابەتەكێ مرۆڤاتی یە ل دۆر نێچیرێ یە، وێنەكرن ب دووماهی هاتیە (هەژار مەجید) ب كارێ وێنەكرنێ رابوویە و نوكە هەر ژلایێ وی ڤە دهێتە مۆنتاژكرن و نێچیرڤان بێدوهی ب كارێ فلایكامێ رابوویە.
