كۆمپانيه‌كا په‌ترۆلى يا رووسى كارێ خوه ل ئيرانێ راگرت
ئه‌ڤرۆنيوز:
سه‌رۆكێ جێبه‌جێكارێ كۆمپانيا (لوك ئويل) يا په‌ترۆلى يا رووسى ئه‌ڤرۆ دوشه‌مبى 12/11/2018 راگه‌هاند، سزايێن ئه‌مريكا ل سه‌ر ئيرانێ، دێ وه‌به‌رهێنانێ كۆمپانيێن رووسى ل ئيرانێ راگريت.
وه‌حيد ئه‌لكه‌بيرۆڤ، سه‌رۆكێ جێبه‌جێكارێ كۆمپانيا (لوك ئويل) يا رووسى ل ده‌مێ پشكداريا وى دچالاكيه‌كا وزێ دا ل ئه‌بوزه‌بى پايته‌ختێ ئيماراتێ، گۆت” كارێ وه‌به‌رهێنانێ ل كيلگه‌ها مه‌نسوورى يا په‌ترۆلى ل ئيرانێ كو گرێبه‌ستا وێ دقۆناغه‌كا پێشكه‌فتى دايه، دێ هێته راگرتن”.
گۆت ژى” هه‌تاكو سزايێن ئه‌مريكى ل سه‌ر ئيرانێ نه‌هێنه هه‌لوه‌شاندن، كۆمپانيا لوك ئويل گرێبه‌ستێ ئيمزا ناكه‌ت”.