كۆمێدیا باشترین رێكە بۆ گەهاندنا پەیامان
بێوار حەمدی
بیرهات سوبحی، گەنجەكە كارێ چێكرنا ڤیدیۆیێن كۆمێدی و جڤاكی دكەت و ب مەرەما كەیفخۆشكرنا دلێ خەلكەكی وان بەرهەمان د سۆشیال مەدیایێ دا بەلاڤ دكەت و خەلكەك ژی دەستخۆشیێ لێ دكەن و داخوازا بەردەوامیێ بۆ دكەن.
ناڤهاتی، بۆ رۆژنامەیا گۆت: ل دەستپێكێ من ل پشت كامیرێ ل گەل هەڤالەكێ خۆ كاردكر، ئانكو ئەز ب كارێ وێنەگریێ و دەنگی رادبووم، لێ ئەڤە پتری سالەكێ یە ب دەنگ و ڕەنگڤە خزمەتێ دكەم و ئەز دبینم كۆمێدیا باشترین رێكە بۆ گەهاندنا پەیامێ، هەروەسا ئارمانجەكە بۆ خزمەتكرنا خەلكەكی ژی، ژبەركو دەمێ ئەم ڤیدیۆیەكێ بەلاڤ دكەین باشی و خرابیا وێ بۆ بینەران دهێلین و ئەو دێ بڕیارێ ل سەر دەن، بۆ زانین دەمێ ئەم ڤیدیۆیەكێ چێدكەین بزاڤێ دكەین ناڤەڕۆك ل دۆر وان روودان و كارڤەدانان بن ئەوێن دناڤ جڤاكێ مە دا هەین و پێدڤیە مرۆڤ بەردەوام كاری ل سەر پێشڤەچوونا خۆ بكەت چو ماسكێن دی بكار نەئینیت داكو بشێت خزمەتێ بكەت و حەزژێژكرن و ڤیانا خەلكەكی ژ دەست نەدەت.
