كۆنگرەیا نڤیسكارێن كوردستانی ل دەرڤەی وەلاتی هاتە گێڕان
ئەدیب چەلكی
ل ژێر دریشمێ (بەر ب تۆرەیەكێ كوردستانی یێ رەسەن و هەڤچەرخ ل دیاسپۆرایێ) ئێكەمین كۆنگرە ب ناڤێ (كۆنگراێ هەژار موكریانی) یا فیدراسیونا نڤیسكارێن كوردستانێ ل دیاسپۆرایێ ل رۆژا 25-7-2026 ل دیسلدۆرف ل ئەلمانیا هاتەگێڕان و گەلەك پەیڤ دكۆنگرەی دا هاتنە پێشكێشكرن، كو ئێك ژ وان پەیڤا رێزدار (شیفا بارزانی) سەرپەرشتێ گشتی یێ رەڤەندا كورد ل دەرڤەی وەلاتی بوو، كو كورتییەك ژ رۆلێ دیرۆكی یێ نڤیسكاران ل دەرڤەی وەلاتی و گرنگی یا ڤی رۆلی بۆ ڤی سەردەمی تێدا هاتە بەحسكرن و پالپشتی یا بەردەواما سەرۆك (مەسعود بارزانی) بۆ تەڤگەرا نڤیسكاران دیاركر.
ل دانێ ئێڤاری ژی گەلەك مژار، هەر وەسا كێماسی و رەخنە ژی ل كۆنگرێ هاتنە گەنگەشەكرن، ئێك ژ وان كێماسی یان بێ ئاگەهیا گەلەك ژ نڤیسكاران ل ئەورۆپا و ئەمریكا ژ گرێدانا كۆنگرێ و نەهاتنا وان بوو، كو هیڤی یە ئەڤ كێماسییە حەتا كۆنگرەیێ دویێ بهێتەچارەكرن، ل دووماهیێ ژی دەستەیا رێڤەبەر ژ 9 كەسان و دو یەدەكان هاتە هەلبژارتن، ژ ڤان نڤیسكارێن ژێری.
پشكا باشوری :1- عبدالله جندی 26 دەنگ. 2- سەردار جاف 24 دەنگ. 3- داڤان یحیی خەلیل 23 دەنگ. پشكا رۆژئاڤا : 4- باران باراڤی 26 دەنگ. 5- عمر اسماعیل 23 دەنگ. 6- عبدالباقی حوسینی 21 دەنگ. پشكا رۆژهەلات : 7 – قادر شیری. پشكا باكور : 8 – وەلی سەبری. پشكا كوردێن رۆسیایێ : 9- گوهار مەمۆ. دو ئەندامێن یەدەك ژی ب ڤان ناڤان یسری زبیر (ژ رۆژئاڤا) و د.حەسەنێ عەڤدو) ژ كازاخستانێ.)