لژنا په‌روه‌ردێ ل په‌رله‌مانى بۆ ڤێ مه‌ره‌مێ دێ كۆم بيت
ئەڤرۆ نیۆز، قائید میرۆ:
بڕیارە ئەڤرۆ لیژنا پەروەردێ و خواندنا بلند لپەرلەمانێ کوردستانێ کۆمبیت و پەرلەمانتارەکژی دبێژیت، ژبلی بایکۆتێ ئەم پشتەڤانیا تەخا مامۆستا دکەین لدۆر گیرووبۆنا موچێ وانا.
ئایدن مەعرۆف، ئەندامێ لیژنا پەروەردە و خواندنا بلند لپەرلەمانێ کوردستانێ ب ئەڤرۆ نیۆز راگەھاند” بڕیارە ئەڤرۆ نیڤرۆ لیژنا پەروەردێ و خواندنا بلند کۆمبوونەکێ ئەنجامبدەت و تێدا ژبلی دانوستانان لدۆر پڕۆژە قانوونا کەرتێ پەروەردێ ، دێ دانوستانان لدۆر رەوشا نوکەیا مامۆستایان و کەرتێ پەروەردێ ژی ھێتەکرن.
مەعرۆف گۆتژی” ئەم وەکی لیژنا پەروەردێ پشتەڤانیا تەخا مامۆستا دکەین لدۆر نەڕازیبوونا وان، بەلێ ئەم دگەل بایکۆتکرنا دەوامێ نینە، ژبەرکو ھەر بایکۆتەک دێ زیانێن مەزن گەھینتە کەرتێ پەروەردێ لھەرێما کوردستانێ و زیانڤێکەتیێن ئێکێژی دێ قوتابیێن مەبن.
