لژنا ڤه‌كۆلينێ د كه‌فتنا مووسل دا دێ په‌يوه‌نديا مالكى ب كه‌فتنێ ڤه گه‌نگه‌شه كه‌ت
ئه‌ڤرۆ نيوز:
لژنا جڤاتا نوونه‌ران يا ڤه‌كۆلينێ د كه‌فتنا مووسل دا، راگه‌هاند كو ئه‌و دێ ل چارشه‌مبيێ راپۆرتا دووماهيێ يا تايبه‌ت ب ئه‌نجامێن كه‌فتنا مووسل نڤيسيت.
ئه‌ندامێ لژنێ عه‌بدولره‌حيم شه‌مه‌رى، بۆ شه‌فه‌ق نيوز، گۆت: “لژنه دێ ل چارشه‌مبيا بهێت روونشتنه‌كا تايبه‌ت ل سه‌ر دانوستاندنا ل دۆر ڤه‌كۆلينێن هه‌يڤێن بۆرى يێن ئه‌نجام داين ل گه‌ل به‌رپرسێن سياسى و له‌شكرى يێن به‌رپرس د كه‌فتنا مووسل دا كه‌ت و راپۆرتێ نڤيسيت و بۆ سه‌رۆكاتيا جڤاتا نوونه‌ران بلند كه‌ت”.
زێده‌تر گۆت: “سه‌ركردێن له‌شكرى يێن هاتينه به‌ر لژنێ و دانپێدان ل دۆر كه‌فتنا مووسل كرين، ئاماژه ب وێ چه‌ندێ دكه‌ن كو نورى مالكى سه‌رۆك وه‌زيرێن به‌رێ يێ عيراقێ و سه‌ركردێ هێزێن چه‌كدار ل وى سه‌رده‌مى ل ده‌مێ روودانا، هه‌موو ماف دابوونه ئه‌وان كو سه‌ره‌ده‌ريێ ل گه‌ل روودانا بكه‌ن”.
ئاماژه ب وێ چه‌ندێ ژى كر كو ل رۆژا چارشه‌مبى ئه‌و دێ پابه‌ندبوونا مالكى ب روودانان ڤه گه‌نگه‌شه كه‌ن و چاوانيا په‌يوه‌نديا وى ب مووسل ڤه.
