لێکسس NX 2027 ب دیزاینەکا نوو و قەبارەیەکێ کارەبایی یێ بەرفرەهـ هاتە بەرهەمئینان
کۆمپانیا لێکسس ڤێرژنا نوو و نووکریا ئۆتۆمبێلا NX 2027 خستە بەرچاڤ، کو گۆڕانکاریێن بەرچاڤ د دیزاینێ دەرڤە و ناڤخوە دا ب خۆڤە دیتیە، د گەل گەشەپێدانەکا مەزن د بزوێنەرێن هاێیبریدی دا.
ترۆمبێلا نوو دێ پێشیا دووماهیا ڤێ سالێ گەهیتە بازارێن جیهانی و ل بهارا 2027 ژی پرۆسەیا رادەستکرنێ ل ئورۆپا دێ دەستپێکەت.
ژ روویێ دەرڤەڤە، پێشیا ترۆمبێلێ هێرشبەرانەتر بوویە و خودان لایتێن LED و شێوازەکێ نوو یێ شۆکێ یە و دەستکاری د ستایلێ پاشیا وێ ژی دا هاتییە کرن، هەروەسا پۆلینا F Sport چەند تایبەتمەندیێن وەرزشی و ویلێن رەنگ رەش بۆ هاتینە زێدەکرن.
قەبارەیێ ترۆمبێلێ 30 ملم درێژتر بوویە و گەهشتییە 4,690 ملم، د ناڤخوە ژی دا، دەستکاریەکا ریشەیی د داشبۆردێ دا هاتییە کرن و شاشەیەکا 14 ئینچی بۆ زانیاری و گەشتوگوزارێ دگەل شاشەیەکا 12.3 ئینچی بۆ داتایێن شوفێری هاتییە دابینکرن.
گۆڕانکاریێن هەرە گرنگ د وەشانا پڵەگین هایبرید NX 450h+ دا دیار دبن، کو شیانێن پاترییا وێ ب رێژەیا 30% بلند کرینە بۆ 23 کیلۆوات د دەمژمێرێ دا، ب ڤێ چەندێ مەودایا کارەباییا پاقژ یا ترۆمبێلێ گەهشتییە 100 کیلۆمەتران.
هەروەسا وەشانا هایبریدا ئاسایی NX 350h نفشێ شەشێ یا تەکنۆلۆژیا هایبریدا لێکسس ب کار دئینیت، دگەل چەندین باشترکرن د سیستەمێ هاتن و چوونێ، راوەستانێ و سیستەمێن سەلامەتیێ دا.
