ل نێزیک ناڤێن دامەزراندیێن کۆمسیونێ دێ ھێنە ڕاگەھاندن

ئەڤرۆ نیوز:
پەیڤدارێ کۆمسیونا بلندا سەربخوە یا ھەلبژارتن و ڕاپرسیێ ل ھەرێما کوردستانێ ئاشکرا کر، ل نێزیک ناڤێن وان کەسێن ل کۆمسیونێ ھاتینە دامەزراندن دێ دیارکەن.
شێروان زرار، پەیڤدارێ کۆمسیونا بلندا سەربخوە یا ھەلبژارتن و ڕاپرسیێ ل ھەرێما کوردستانێ خویا کر، ئەو نوکە مژوولی پێداچوونێ نە ب ناڤێن وان کەسێن فۆرمە ب مەرەما دامەزراندنێ پێشکێشی کۆمسیونێ کرین و بۆ NNA گۆت: “ھژمارەکا زۆر یا ناڤێن دوبارە د فۆرمێن پێشکێشکرنێ دا ھەبوون، لەو ڕاگەھاندنا ناڤێن دامەزراندیێن کۆمسیونێ گیرۆ بوو”.
ئاشکرا ژی کر، ل نێزیک جوداکرنا فۆرمان ل دووڤ پلەبەندی و ھژمارا خالان دێ ب دووماھی ئینن و ناڤێن کەسێن کو بڕیارە بھێنە دامەزراندن دێ ڕاگەھینن.
بەری نوکە ژی پەیڤدارێ کۆمسیونا بلندا سەربخوە یا ھەلبژارتن و ڕاپرسیێ ل ھەرێما کوردستانێ ئاماژە ب وێ چەندێ دا بوو کو د دامەزراندنێ دا، وەکو وەفاداریەک بۆ کەسوکارێن شەھیدان، خالێن زێدە دێ پێ ھێنە دان.

کۆمێنتا تە