ل هەولێرێ 14 تووشبوویێن دیتر یێن کۆرۆنا یێ هاتنە تۆمار کرن
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، 14 کەسێن دیتر ل هەولێرێ تووشی ڤایرۆسێ کۆرۆنا یێ بوون، کو پرانیا وان بەرکەفتیێن تووشبوویێن ھەردو بەهیێن گەرەکا کارێزانن ل ھەولێرێ.
ئەڤرۆ چارشەمبی 08-04-2020 د راگەهاندنا وەزارەتا ساخلەمیێ دا هاتیە، کو ئەو 14 تووشبوویی پێکهاتینە ژ : نەهـ ژنان و چار زەلام و زارۆیەک ل گەرەکێن (سەیداوە، رۆشنبیری، پێشمەرگە، زین سیتی، زانکۆ، مامۆستایان).
ب تۆمارکرنا وان 14 تووشبوویان، سەرجەمێ گشتی یێ تووشبوویێن کۆرۆنا یێ ل هەرێما کوردستانێ گەهشتە 303 کەسان، ژ وێ هژمارێ 119 کەس چێبووینە و سێ کەسان ژی گیانێ خوە ژ دەستدایە.