مامۆستایێن ئایینی ل دۆر سێ مژاران دێ خهلكی هشیار كهن
ههولێر، قائید میرۆ:
سهرۆكێ بۆردا گوتارێن ئایینی ل وهزارهتا ئهوقاف و كارۆبارێن ئایینی دیار کر کو مامۆستایێن ئایینی هاتینه ئاگههداركرن لدەمێ پێشکێشکرنا گۆتارێن رۆژا ئهینی گرنگیێ بدەنە سێ مژارێن گرێدایی ئهڤرۆ یا جڤاكی و گوت؛ مامۆستایێن ئایینی دێ وهلاتیان هشیار كهن لدۆر پاراستنا ژینگههێ و توندوتیژیا خێزانی و كاریگهریێن ماددێن هۆشبهر.
دكتۆر بهشیر حهداد، سهرۆكێ بۆردا گوتارێن ئایینی ل وهزارهتا ئهوقافێ د دیدارەکێ دا بۆ ڕۆژنامەیا ئهڤرۆ دیار كر، بۆردا گوتارێن ئایینی ئهركێ وێ ئهوه ئەو دیاردە و ئاریشهیێن دناڤا جڤاكی ههی بهێنه دیاركرن و دووڤدا داخواز ژ مامۆستایێن ئایینی دهێتهكرن د گوتارێن رۆژا ئهینی دا وهلاتیان هشیار بكهن لدۆر ئهڤان ئاریشه و دیاردێن دناڤا جڤاكی دا هەین.
د. بەشیر گۆت؛ چونكه ب رێیا گوتارێن رۆژا ئهینیێ بشێوهیهكێ شهرعی و جڤاكی خهلك دهێته هشیار كرن، بتایبهتی نها سێ مژارێن گرنگ ههنه دناڤا جڤاكی دا و ژلایێ بۆردا گوتارێن ئایینی مامۆستایێن ئایینی هاتینه راسپاردن کو زێدهتر د گۆتارێن رۆژا ئهینیێ دا بهحسێ وان سێ مژارێن گرنگ بهێته كرن، ههروهسا بۆچوونا ئاینێ پیرۆزێ ئیسلامێ لدۆر ئهڤان سێ مژاران دیار بكهن.
سهرۆكێ بۆردا گوتارێن ئایینی دا زانین، مژارا ئێكێ ماددێن هۆشبهرن، مخابن ئهڤان سالێن دووماهیێ زۆر زێدهبوویه و مهترسی لسهر جڤاكێ ههرێما كوردستانێ پهیدا كریه، ئهركێ مامۆستایێن ئایینیه ب رێیا مزگهفتان وهلاتیان هشیار بكهن كو ماددێن هۆشبهر چهند مهترسی لسهر مرۆڤی ههنه و زیانێن وێ چنه.
د. بهشیر حهداد د بەردەوامیا ئاخفتنێن خۆدا گۆت؛ نها ئهم یێن د وهرزێ بهارێ دا و بهر ب هاڤینێ دچین بێگومان رۆژانه خهلكهكێ زۆر ب مهرهما گهشت و سهیرانان دچیته دهرڤه، لهوڕاژی یا پێدڤیه ژینگهها ههرێما كوردستانێ بهێته پاراستن و پاقژ راگرتنا ژینگههێ ئهركهكێ ئایینی و نیشتیمانیه، مامۆستایێن ئاینی ژی وهلاتیان زێدهتر دێ هشیار كهن لدۆر پاراستنا ژینگههێ، بتایبهتی مهترسیێن پیسبوونا ژینگههێ و كاریگهریێن وێ لسهر مرۆڤی.
د. بەشیر زێدەتر گۆت؛ مژارا سیێ كو مامۆستایێن ئایینی دێ خهلكی هشیاركهن توندۆتیژیا خێزانیه، پشتی مه پێداچوون بۆ كری دیار بوو کو پێدڤیە ئەڤرۆ ئەم جڤاکی لدور ڤان هەرسێ دیادەیان هشیار بکەین.
د. ب ەشیر دیار کر ژی کو مامۆستایێن ئایینی ئهركێ خوه ئهنجام ددهن و خهلكهكێ زۆر شیرهتێن مامۆستایێن ئایینی ب گرنگ وهسف دكهن و گۆت؛ لهوڕا مە باوەری هەیە کو گههاندنا پهیاما هشیاركرنێ ب رێیا مزگهفتێ و مامۆستایێن ئاینی دێ كاریگهریا خوه لسهر جڤاكی ههبیت.
