مه‌حموود عوسمان:پێدڤيه كورد ل دووڤ به‌رژه‌وه‌نديا خوه پشته‌ڤانيێ ل ليسته‌كێ بكه‌ت
ئه‌ڤرۆنيوز:
سياسه‌تمه‌دارێ ناڤدارێ كورد مه‌حموود عوسمان راگه‌هاند، پشتى دو ليستێن شيعى هاتينه دياركرن، كورد يێن بووينه ئێكلاكه‌ر وهه‌كه كورد پشته‌ڤانيێ ل هه‌ر ليسته‌كا ژوان بكه‌ن، ئه‌و ليسته دێ بيته مزنترين ليستا په‌رله‌مانى، له‌وما پێدڤيه كورد ژى ل دووڤ به‌رژه‌وه‌نديا خوه پشته‌ڤانيێ ل ليسته‌كێ بكه‌ن.
هه‌ر ئێك ژ به‌ره‌يێ سائيرون وبه‌ره‌يێ فه‌تح كو هه‌ردو شيعه‌نه، مه‌زنترين ليستا په‌رله‌مانى راگه‌هانديه ونوكه تنێ كورد ماينه خوه ئێكلابكه‌ن، كو ئه‌وژى دانوستاندنێن به‌رده‌وام دانه ل گه‌ل لايه‌نان وهێشتا بريارا دووماهيێ نه‌دايه.
مه‌حمود عوسمان بۆ مالپه‌رێ فه‌رمى يێ پارتى ديموكراتى كوردستان گۆت” كورد دێ بنه ئێكلاكه‌ر كا چ ليست دێ بيته مه‌زنترين ليستا په‌رله‌مانى تاكو حوكمه‌تا نوو پێك بينيت، له‌وما كورد پشته‌ڤانيێ ل كيش ليستێ بكه‌ت، ئه‌و دێ بيته مه‌زنترين ليست”.
دياركر” پێدڤيه كورد ل دووڤ به‌رژه‌وه‌نديا خوه مامه‌لێ بكه‌ت وكيش ليست زێده‌ترين داخوازيێن كوردان بجهبينيت، پشته‌ڤانيێ ل وێ ليستێ بكه‌ن، ب تايبه‌تى داخوازيێن گرێداى ده‌ڤه‌رين كوردستانى وكه‌ركووكێ ونابيت ل بن چو فشاره‌كێ پشته‌ڤانيێ ل ليسته‌كێ بكه‌ن، چونكى ده‌مێ 15 سالايه گوه ل وه‌لاتان دگرين وچو بۆ كوردان نه‌كريه”.
