موقتەدی سەدر بۆ رێکخستنا ناڤمالا شیعی یێ سەرکەفتی نابیت
ئەڤرۆ نيوز:
ئەندامەکێ پەرلەمانێ کوردستانێ ئاشکراکر، دروستکرنا حوکمەتا نوو یا عیراقێ چو گوھۆڕین تێدا نابن و دێ ھەمان سیاسەتا حوکمەتێن بۆری پەیڕوکەت، ھەژمارتنا دەنگان ب دەستی ژی چو گوھۆڕینان دروست ناکەت.
فەرحان جوھەر ئەندامێ پەرلەمانێ کوردستانێ، بۆ رۆژناما ئەڤرۆ گۆت: ھەژمارتنا دەنگان ب دەستی چو گوھۆرین ناکەڤنە ئەنجامێن 12 گولانێ و بتنێ کوشتنا دەمی یە دھێتەکرن، چو گوھۆرین ناکەڤنە حوکمەتا نوو یا عیراقێ و دێ ھەر وەک حوکمەتا جاران بیت و دیچ ھمان سیاسەت پەیرو کەت.
ئەندامێ پەرلەمانێ کوردستانێ گۆت: دستور رێکێ نادەتە پەرلەمانێ عیراقێ ژیێ خوە درێژ بکەت، چونکو نە دستوریە و ژ ئەڤرۆ پێڤە عیراق دێ بێ پەرلەمان بیت و حوکمەتێ دەستھەلات دێ ھەبیت و نابینم بوشاھی یا دەستوری دروست بیت و دێ پەرلەمان ھێتە حەلکرن.
دڤێت کورد نوکە چاڤدێربن ل عیراقێ ھەتا ناڤمالا شیعی ل سەر ھەلبژارتنا کەسەکی بۆ پوستێ سەرۆک وەزیرێن عیراقێ رێک بکەڤن ودڤێت ئەم چاڤەرێ بکەین و ھەکە رێککەفتن دووڤدا کورد ب ھنارتنا شاندەکێ ھەڤگرتی سەردانا بەغدا بکەت، و داخازێن خەلکێ کوردستانێ پێشکێشی حوکمەتا نوو یا عیراقێ بکەت، نابینم سەدر یێ سەرکەفتی بیت ل سەر پێکئینانا حوکمەتێ و رێکخستنا ناڤمالا شیعی، چونکو مالا شیعی گەلەک دەستێن دەرەکی تێدا ھەنە و گەلەک یا بزحمەتە مالا شیعی دناڤ خوە دا رێک بکەڤن.
ھێشتا گۆت: ھەمارتنا دەنگدێن ھەلبژارتنان ل عیراقێ چو گوھۆرین دروست نابن کو کارتێکرن ل سەر ئەنجامان ھەبت و بھێنە گوھۆرین.
فەرحان جوھەری گۆت: دەمێ ئیدرا دی یا ئەمریکی ھەر دو وەلات رێککەفتبوون ل سەر ھەلبژارتنا کەسەکی بۆ سەرۆک وەزیرێن عیراقێ ئەڤ جارە رێککەفتن ل سەر ھەلبژارتنان کەسەکی دناڤبەرا ھەر دو وەلاتان دا گەلەک یا بزحمەتە چونکو ئەمریکا ئیدارەکا نوویە، ئیرانێ ژی پتر کێشە ھەنە ل گەل ئەمریکا و نابینم رێککەفتن بھێتەکرن.