میر ئەكبەری (گۆزەی تازە) بەلاڤكر
رەمەزان زەكەریا
سترانبێژێ گەنج (میر ئەكبەر) ی، ددیدارەكێ دا بۆ رۆژنامەیا ئەڤرۆ گۆت: من نووترین بەرهەمێ خۆ ب ناڤێ (گۆزەی تازە) بەلاڤكر كو ژهەلبەستا شاعیرێ مەزنێ كورد عەبدوللا گۆران هاتییە وەرگرتن و من ب خوە ئاواز بۆ دانایە مامۆستا دلێر حسێن كارێ دابەشكرنا مۆزیكێ بۆ ئەنجامدایە.
ناڤبری گۆت: ستران ب كۆلیتیەكا بلند هاتیە دروستكرن تۆماركرن و میكس و ماسترینگا وێ ل ڤیدیۆ ستۆدیۆ ژلایێ ئارام سەردار هاتیە بجهئینان و هەكە سترانبێژان بەرهەم و ستران ژی كێم بن بەلێ ئەوێن دروست دكەن پێدڤیە ل ڤی سەردەمی كۆ تەكنولۆژیا و ئامێر و ستۆدیۆیێن پێشكەفتی هەنە پێدڤیە كۆالیتیا بەرهەم و سترانا گەلەك یا بلند بیت و هەژی وێ چەندێ بیت و بینەرب ئارامی ببینیت و گوهدار ژی دگەل ئارام بیت و كو ڤیدیۆ كلیپ و مۆزیك و ستران تەمامكەرێن ئێك بن.
