مەرجێن نوو بۆ ماسیگران ھاتنە دانان
ئەڤرۆ نيوز:
وەرزێ ماسیگران دەستپێکر و چەند مەرجەکێن نوو ھاتینە دانان و پێدڤیە ھەموو ماسیگر پێگیر بن ب ڤان مەرجان.
ھەژار ماھر بەرپرسێ رێکخراوا وار بۆ پاراستنا ژینگەھێ راگەھاند:ب ئەگەرێ وەرزێ ھێک دانان و خەرزێ وان زۆربونا ماسیێ ،سالانە وەزارەتا چاندنێ و ھێزێن ژینگە پارێزی و ھوبەیێن ماسیان بریارا قەدەغەکرنا نێچیرا ماسیان بۆ ماوەیێ سێ ھەیڤان ژ ئێکێ نیسانێ ھەتا ئێکێ تەموزێ ددەن و دەمێ دیاریکری تەمام بویە و خەلک ئازادە بۆ نێچیرا ماسیان بەلێ بو ئەڤێ مەبەستێ چەند مەرجەک ھاتنە دیارکرن.
ناڤبریی ئەو چەندە ژی گۆت ئەو مەرجێن ھاتینە دانان،تەقەمەنی نەھێنە بکارئینان،ژەھر،تێن تی،نارنجوک و تورێن ھیر، چونکو دبنە ئەگەرێ ژناڤبرنا سامانێ ماسی و ھەر لایەنەک سەرپێچیێ بکەت دێ توشی سزادانێ بیت .