مەسرور بارزانی وشیرەتكارێ ئاساییشا نیشتمانییا بەریتانیایێ رەوشا دەڤەرێ و پێكئینانا كابینەیا نوو گەنگەشەكر

مەسرور بارزانی، سەرۆكێ حوكمەتا هەرێما كوردستانێ، پێشوازی ل جۆناسان پاول شیرەتكارێ ئاسایشا نیشتمانییا بەریتانیایێ كر.
د كۆمبوونێ دا، كو بالیۆزێ بەریتانیایێ ل ئیراقێ و قونسلێ گشتییێ وی وەلاتی ل هەرێما كوردستانێ بەرهەڤ ببوون، بیروبۆچوون دەربارەی ڕەوشا ئەمنی و گشتییا هەرێما كوردستانێ، ئیراقێ و دەڤەرێ هاتنە لێكگۆهارتن. هەردوو ئالی هەڤڕا بوون ل سەر پێدڤییا پاراستنا ئاسایش و تەناهییا هەرێما كوردستانێ و پێشڤەبرنا پەیوەندییێن دووئالی و هەڤكاری و هەماهەنگیێ د ناڤبەرا هەرێما كوردستانێ و بریتانیایێ دا، ب تایبەتی بۆ بەرسینگگرتنا مشەختبوونا نەیاسایی.
د پشكەكا دی یا دانوستاندنان دا، باس ل بزاڤ و دانوستاندنێن كاراكرنەڤەیا پەرلەمانێ كوردستانێ و پێكهینانا كابینەیا نوو یا حوكمەتا هەرێما كوردستانێ هاتە كرن.

کۆمێنتا تە