نەجیبا نەجیب: کەساتیا عادل عەبدولمەھدی یا ب ھێز و نێزیکی کوردایە
ئه‌ڤرۆ نيوز:
ئەندامەکا بەرێ یا پەرلەمانێ عیراقێ ئاشکراکر کو کەساتیا عادل عەبدولمەھدی گەلەک یا ب ھێزە و یا گونجایە ل گەل کوردان و پێشتر ژی کێشێن کوردان گەلەک وی چارەسەرکرینە لەوما گەلەک ھێز ھەبوون نەڤیا بیتە سەرۆک وەزیرێن عیراقێ.
نەجیبا نەجیب، ئەنداما خولا بەرێ یا پەرلەمانێ عیراقێ بۆ رۆژناما ئەڤرۆ گۆت: عادل عەبدولمەھدی کەساتیەکا عقلانی یە و کەساتیەکا دوور بینە ژ کەساتیەکا تائیفەگەری دروست تشتا دگەھیت، یێ بەرھەڤە بۆ ڤەکرنا لاپەرەکێ نو بۆ ئاڤاکرنا عیراقێ و تایبەت پەیوەندیێن کوردستانێ ل گەل بەغدا، چنکو ھەر تشتەکێ چوویە ژێر دەستھەلاتا تائیفەگەریێ دروست بوونا حەشدا شەعبی، کورسیکێن پەرلەمانی زێدەتر ئەو بووینە و ھەتا دانانا سەرۆکێ پەرلەمانی ژی ھەر ژێر دەستێ وان بوویە و ھەتا مە ھەموویان دیت سەرۆکێ عیراقێ چەوا دانا کو گونجایە ل گەل یرانێ، باوەرناکەم سەرەرەرایی سەرۆک وەزیران گەلەک باشە، لێ باوەرناکەم ژی تائیفەگەریێ دور کەڤیت، چنکو دێ کەڤیتە ژێر گڤاشتنێن پەرلەمانی و نەشێت دەرکەڤیت، بابەتێ شەراکەتێ وە کورد بێژن دێ گەلەک یا بزحمەتە نابینم سەرۆک وەزیران بشێت وەک پێدڤی شەراکەتێ ئەنجام بدەت، چنکو دێ گەلەک گڤاشتن ل سەر بن، دروستکرنا بریارێن عسکەری و ئیداری ھەموو تائیفەگەری نە و جوداھی ھەیە، سیستەمێ قانوونی ئەڤان جار سالان دا بزحمەت بھێتەکرن.
نەجیبا نەجیب، ئەو ژی گۆت: شەرێ دژی داعش نەمایە پەترۆل گران وبوویە مەھدی دشێت گەلەک کێشان چارەسەر بکەت و تایبەت کاودانێن دارایی و ئابووری.
ھەمان ئەندام گۆت: تشتێ باش کوردان دایی بریارا سەربەخۆیا ھنارتنا پەترۆلێ دایی و ھندی وەزیر بۆ عیراقێ ھاتین دژی وێ بریارێ بووینە، باوەرناکەم مھدی دژی ڤێ بریارێ ب راوستیت، دبینم کورد دێ مفایی ژوێ پێنگاڤێ بینن.
نەجیبا نەجیب ئەو ژی خویاکر کو لێ فشارا قەوارێن سیاسی ل پەرەلمانی وەک دەولەتا قانوون، نێر، فتح، دێ سەرۆک وەزیرێ عیراقێ گازی کەن و گەلەکا لایەنان حەز نەکر عادل عەبدولمەھدی بیتە سەرۆک وەزیر ب بھانا وێ چەندێ کو نێزیکی کوردانە و پێشتر ژی دەمێ کێشا پەترۆلێ ل کەرکووک دروست بووی، ھەر عادل عەبدولمەھدی ھات و ئەو کێشە چارەسەرکر، و پەترۆلا کەرکووکێ ب رێکا کوردستانێ ھنارت و ئەو بریار یا عقلانە بوو و ھەر دو ئالی مفادار بوون و مھدی تووشی ھێرشێن پەرلەمانی و راگەھاندنێ بوو، دبینم پەیوەندیێن کورستانێ باش بن لێ ل دووڤ حەزا مەنابن چنکو برێڤەبرنا سەرۆک وەزیران گرێدایی ب کەساتیا وی ب خوە ڤە نبینە بەلکو پتریا کوتلێن شیعی پشکدارن د بریارێ دا.
