هه‌ر وه‌لاتيه‌ك دێ 25 هزار ديناران وه‌رگريت
ئه‌ڤرۆ نيوز:
وه‌زاره‌تا بازرگانيا عيراقێ راگه‌هاند ل جهێ ئه‌و ئاهێن خوارنێ يێن ل سالا 2014ێ نه‌هاتين، هه‌ر وه‌لاتيه‌ك دێ 25 هزار ديناران وه‌رگريت.
مه‌لاس محه‌مه‌د، وه‌زيرێ بازرگانيێ عيراقێ د داخۆيانيه‌كا رۆژنامه‌ڤانى دا راگه‌هاند: “وه‌زاره‌تا بازرگانيا عيراقێ لژنه‌كا دارايى پێكئينايه و ل ژێر ده‌سته‌لاتا كۆمپانيا گشتى بۆ بازرگانيا دانه‌وێله‌يى و كۆمپانيا گشتى يا بازرگانيا ئاهێن خوارنێ و فه‌رمانگه‌ها پلاندانان و چاڤدێريێ بۆ دياركرنا ئه‌وى كۆژمێ پاره‌يى يێ دێ بۆ قه‌ره‌بوويا پشكا ئاهێن خوارنێ هێته دان”.
مه‌لاس محه‌مه‌د گۆتژى: “ئه‌و پاره ب پشت به‌ستن ب ژمارا وه‌لاتيێن و بهايێ ئاهێن خوارنێ و پشكا هه‌ر تاكه‌كى و ژمارا وان هه‌يڤێن دياركرى نه كو ئاهێن خوارنێ تێدا نه‌هاتينه به‌لاڤكرن”.
وه‌زيرێ بازرگانيێ عيراقێ وه‌لاتى پشت راست كرن كو پارێ دێ پێش ئاهێن خوارنێ ب وه‌لاتيان هێته دان نوكه د به‌نكان دايه و د ماوێ 10 رۆژێن بهێت دا دێ هێته به‌لاڤكرن، ل جهێ ئاهێن خوارنێ يێن چار هه‌يڤێن دووماهيا سالا 2014ێ دڤێت كۆژمێ قه‌ره‌بوويێ 25 هزار دينارێن عيراقى بهێنه دياركرن”.
