هه‌ڤپه‌يمانيا نێڤده‌وله‌تى به‌حسێ هێرشێن خوه يێن ئه‌سمانى دژى داعشێ دكه‌ت
ئه‌ڤرۆنيوز:
هه‌ڤپه‌يمانيا نێڤده‌وله‌تى دژى داعشێ، ئه‌ڤرۆ دوشه‌مبى 27/8/2018 ئه‌نجامێن هێرشێن ل سه‌ر پاشمايێن داعشێ ل سووريێ وعيراقێ يێن رۆژێن بۆرى به‌لاڤكرن.
دراگه‌هاندنه‌كێ دا هه‌ڤپه‌يمانيا ناڤبرى ئاماژه دا كو هێرشێن ئه‌سمانى يێن وێ ئاڤاهيه‌كێ دبن كونترۆلا داعشێ ل ده‌ڤه‌را مه‌خوور ل نێزيك مووسلى كريه ئارمانج وجهه‌كێ دى يێ وێ رێكخستيا تيرۆرستى ل ده‌ڤه‌را راوه ل پارێزگه‌ها ئه‌نبار.
ل سووريێ ژى دياركر كو هێرشێن ئه‌سمانى ل سه‌ر جهێن داعشێ ل نێزيك باژێرێ ئه‌لبوكه‌مال وجه‌زيره ل رۆژهه‌لاتا سووريێ هاتينه ئه‌نجامدان ودوان هێرشان دا ترومبێل وهێلێن هاريكاريێ يێن داعشێ هاتينه ژناڤبرن.
