هژمارا برینداران زێدە دبن و گەلەک کەس بەرزە نە
ئەڤرۆ نیۆز، هۆشەنگ تاجر:
خالد محەمەدی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیۆز دیار کر کو ژ بەر عەردهەژا دوهی ل کرمانشانێ هەتا نها پتر ژ ٧٠٠ کەس بریندارن و گەلەک کەس ژی بەرزە نە و چارەنڤیسێ وان دیار نینە و گۆت: (مخابن هەتا نها ژی تیمێن هەوارهاتنێ وەکو پێدڤی نەگەهشتینە جهێ روودانێ دا ب کارێ خوە رابن و وەلاتیێن کورد بخوە هاریکاریا هەڤدو دکەن و ژ بەر هندێ ژی هژمارا برینداران هەر کو دچیت زێدە دبیت و ب دروستاهی هەتا نها هژمارا کوشتیان دیار نینە و هەڤالێن مە ل نەخوەشخانا ناڤەندی یا کرمانشانێ دبێژن هەتا نها پتر ژ بیست کەسان جانێ خوە ژ دەست داینە).
ناڤهاتی ئەو یەک ژی دیار کو هەر شەڤێ دی ژ ئورمیێ و سنێ و ئیلامێ وەلاتیێن کورد ب سەدان بارهەلگر هاریکاری رەوانەی کرمانشانێ کرینە، لێ مخابن هێزێن دەولەتێ ژی ئاستەنگیان دروست دکەن و ناهێلن هاریکاری زوو بگەهنە دەستێ خەلکی، نها سەقا یێ سارە و رەوشا خەلکی خرابە و گۆت: (ئەم هێڤیدارین بەرپرسێن دەولەتێ رێ بدەن دا خەلکێ مە هاریکاریا برایێن خوە ل کرمانشانێ بکەن).
