هێشتا رادیۆیێ گوهدارێن خۆ یێن دلسۆز و تایبەت هەنە
بێوار حەمدی
هەژار قەردەشا، پێشكێشكار ل رادیۆیا دهۆك، د دیدارەكێ دا بۆ رۆژنامەیا ئەڤرۆ گۆت: ل سالا 2008 من دەست بنڤیسینێ كر و گرنگی دا شرۆڤەكرنا بابەتێن هزری و فەلسەفەیا دەروونی و نێزیكی دو سالانە بەرنامەیێ (تێكست دینداری) ل رادیۆیا دهۆك پێشكێش دكەم و هەردەم ئەز دبێژم هێشتا رادیۆیێ گوهدارێن خۆ یێن دلسۆز و تایبەت هەنە و گرنگیا خۆ ژی ژ دەست نەدایە.
هەروەسا گۆت: هەرچەندە كەنالێن تەلەفزیۆنی و تۆرێن جڤاكی پێشكەفتن ب خۆڤە دیتینە، لێ ڤێ چەندێ هێشتا كارتێكرن ل رادیۆیێ نەكریە و ب دیتنا من هەردەمێ پێشكێشكار یێ ڕاستگۆبیت دەنگێ وی دبیتە رۆناهیەك دناڤ بێدەنگیێ دا، هەروەسا دبیتە فاكتەرەك بۆ ئارامكرنا مێشكێ گوهداران و بۆ دەمێ بهێت ژی پلانا دو بەرنامەیێن دی ل بەر دەستە و هیڤیا من ئەوە ئەز بشێم خزمەتا گوهدارێن خۆشتڤی بكەم.
