هێمن هه‌ورامى:رووسيا پشته‌ڤانيێ ل مافێن شه‌رعى يێن هه‌رێما كوردستانێ دكه‌ت
ئه‌ڤرۆنيوز:
به‌رپرسێ كاروبارێن سياسى وپه‌يوه‌نديێن گشتى ل نڤيسينگه‌ها سه‌رۆك مه‌سعود بارزانى، هێمن هه‌ورامى، راگه‌هاند وه‌زيرێ ده‌رڤه يێ رووسيا پشته‌ڤانيا وه‌لاتێ خوه بۆ مافێن شه‌رعى يێن هه‌رێما كوردستانێ دووپاتكر.
هيمن هه‌ورامى پشتى پشكداريكرنێ دكۆنفرانسێ (Valdai Discussion Club) ل موسكۆ، دبه‌رپه‌رێ تايبه‌تێ خوه ل سه‌ر تۆرا تويته‌رى به‌لاڤكر” وه‌زيرێ ده‌رڤه يێ رووسيا دچارچۆڤێ كرنفرانسێ ڤالداى دا راگه‌هاند كو وه‌لاتێ وى ل گه‌ل مافێن شه‌رعى يێن كوردانه ل عيراقێ وپشته‌ڤانيێ ل دانوستاندنێ دناڤبه‌را به‌غدا وهه‌ولێرێ دا دكه‌ت بۆ چاره‌سه‌ريا كێشان”.
دوهى دوشه‌مبى 19/2/2018، كۆنفرانسێ ڤالداى بۆ دانوستاندنێ ل موسكو پايته‌ختێ رووسيا ده‌ست بكارێن خوه كر، كو يێ تايبه‌ته ب ڤه‌كۆلينێ ل دۆر ره‌وشا سياسى يا رۆژهه‌لاتا ناڤه‌راست وسياسه‌تا رووسيا ل ده‌ڤه‌رێ وتێدا هژماره‌كا به‌رچاڤ يا به‌رپرسێن ناڤخوه‌يى ل رووسيا وده‌رڤه پشكدارن.
