هێمن هه‌ورامی: پارتی مه‌غروور نه‌بوويه ژ وێ سه‌ركه‌فتنا مه‌زن يا ب ده‌ستڤه‌ئيناى
ئه‌ڤرۆنيوز:
سه‌رۆكێ ليستا پارتى ديموكراتى كوردستان بۆ هه‌لبژارتنێن په‌رله‌مانێ كوردستانێ راگه‌هاند، مه هێلا سوور ل سه‌ر چو لايه‌نه‌كى نينه وده‌رگه‌هێ مه يێ ڤه‌كريه بۆ دانوستاندنا به‌رپرسيارانه ل گه‌ل هه‌موو ليستێن سه‌ركه‌فتى دهه‌لبژارتنێن په‌رله‌مانێ كوردستانێ دا.
هێمن هه‌ورامى، ئه‌ندامێ سه‌ركردايه‌تيا پارتى وسه‌رۆكێ ليستا پارتى دهه‌لبژارتنان دا گۆت” به‌رى هه‌موو تشته‌كى سه‌ركه‌فتنا پرۆسێ بۆمه يا گرنگ بوو، دروستكرنا كوردستانه‌كا ب هێز درووشمێ مه‌بوو، له‌وما پارتى مه‌غروور نه‌بوويه ژ وێ سه‌ركه‌فتنا مه‌زن يا ب ده‌ستڤه‌ئيناى”.
گۆت ژى”ده‌رگه‌هێ مه ژى يێ ڤه‌كريه بۆ دانوستاندنه‌كا به‌رپرسيارانه ل گه‌ل هه‌موو ليستێن سه‌ركه‌فتى، دانوستاندنێ دێ ل گه‌ل هه‌موو لايانان كه‌ين ومه هێلا سوور ل سه‌ر چو لايه‌نه‌كى نينه”.
هێمن هه‌روامى زێده‌تر بۆ رووداو گۆت” هه‌ر لايه‌نه‌كێ سياسى ب گۆره‌ى ئيستيحقاقێ خوه به‌رهه‌ڤبيت ل گه‌ل پارتى ملێ خوه بده‌ته به‌ر وێ به‌رپرسياره‌تيا هه‌ڤپشك، هه‌كه ئه‌و پێنگاڤه‌كێ به‌ر ب پارتى ڤه بهێن، پارتێ دێ دو پێنگاڤان به‌ر ب وان لايه‌نان چيت، له‌وما دێ ب به‌رپرسيارانه دانوستاندنێ كه‌ين”.