هەتا نوكە فرۆتنا گولاڤان ل دەف مە نەبوویە کولتوور
سندس سالح سلێڤانەیی
حەربی یوسف، گەنجەكێ خەلكێ دهۆكێ یە، بۆ دەمێ (23) سالانە ل جهەكێ بچووك كارێ تێكەلكرن و فرۆتنا گۆلاڤ و بێهنێن خۆش دكەت و ب كارێ خۆ یێ دلخۆشە.
حەربی، بۆ رۆژنامەیا ئەڤرۆ دبێژیت: دژیەكێ گەلەك بچووك دا من حەزژ ڤی كاری دكر و ل (2023) من دەستپێكر و هەتا نوكە یێ بەردەوامم و سەرەرای وێ چەندێ كو ئەز گەلەك حەزژێدكەم داهاتەك ژی بۆ من ژێ دهێت.
سەبارەت جۆرێن گۆلاڤێن ئەو دفرۆشیت، گۆت: پتریا گۆلاڤێن مە دبیانی و ژدەرڤەی وەلاتی بۆ مە دهێت، لێ مە یێن خۆمالی ژی هەنە وەك (بێهنا نێرگزێ و بێهنا گول محەمەدی) ئەم وان ل ڤێرە چێدكەین، بەس وێ ژی شارەزایی پێ دڤێت، سەبارەت فرۆتنا گولاڤان ژی هەتا نوكە ل دەف مە نەبوویە كلتۆرەك، چنكو 20% یا خەلكی گولاڤان ناكڕن و هەكە (10) مالان بچیێ رەنگە گولاڤەكێ تێدا نە بینی، لێ ژدەرڤەی دەمی دچیە خوارنگەهەكێ یان دناڤ ترۆمبێلەكێ دێ ب رەشاندنا گۆلاڤێ پێشوازیا تە كەن.
