هەرێما کوردستانێ ٥٠٠ مێگاواتێن کارەبێ دفرۆشیتە عیراقێ
ئەڤرۆ نیوز:
کەمال محەمەد وەزیرێ کارەبێ یێ حوکمەتا هەرێما کوردستانێ راگەهاند کو رەوشا کارەبێ ل هەرێما کوردستانێ گەلەک باش بوویە نها پتر ژ ٢٠ دەمژمێرێن کارەبێ بۆ وەلاتیان دهێتە دابینکرن و گۆت: (بۆ وەرزێ زڤستانێ ژی دێ رەوشا کارەبێ باش بیت و دڤێت وەلاتی ژی د هاریکار بن).
ناڤهاتی راگەهاند کو بەری نها چەندین وێستگەهێن کارەبێ هەبوون کو چو مفا ژ وان نەدهاتە وەرگرتن و عیراق نها سوتەمەنیێ بۆ وان وێستگەهان دابین دکەت و ئەو وێستگەه کار دکەن و وەزارەتا کارەبێ ٥٠٠ مێگاواتێن کارەبێ دفرۆشیتە عیراقێ.
