وه‌زاره‌تا ناڤخوه‌يا عيراقێ: چه‌كدارێن داعشێ ل كه‌ركووكێ يێن هه‌ين
ئه‌ڤرۆنيوز:
شيره‌تكاره‌كێ وه‌زاره‌تا ناڤخوه‌يا عيراقێ راگه‌هاند، زێده‌بوونا لڤينێن داعشێ ل چه‌ندين ده‌ڤه‌رێن كه‌ركووكێ وگوندێن ده‌وربه‌ر نيشانا زيندووييا داعشێ دياردكه‌ن وحوكمه‌تا عيراقێ ژى ب فه‌رمى چو ئۆپه‌راسيۆنه‌ك ئه‌نجام نه‌دايه بۆ وێ چه‌ندێ لڤينێن داعشێ بهێنه راگرتن.
وى راويژكارى زێده‌تر دداخۆيانيه‌كا رۆژنامه‌ڤانى دا گۆت”هه‌ماهه‌نگيا هێزێن عيراقى ل كه‌ركووكێ گه‌له‌ك يا لاوازه ونه‌شێن ب تنێ باژێرێ كه‌ركووكێ بپارێزن، له‌وما پێدڤيه هێزه‌كا هه‌ڤپشك ومه‌زن بۆ كه‌ركووكێ بهێته دروستكرن”.
گۆت ژى”پێزانين وده‌نگوباس يێن گه‌هشتينه مه كو تيرۆرستێن داعشێ ل به‌ره چالاكيان ل كه‌ركووكێ ئه‌نجام بده‌ن ومه ژى هێزێن خوه ل كه‌ركووكێ يێن ئاگه‌هدار كرين”.
دياركر” داعشێ ل ده‌ڤه‌رێن دووبز وباشوورێ كه‌ركووكێ وده‌ڤه‌را عروبه هنده‌ك شانێن نڤستى يێن هه‌ين”.
