وەزارەتا دارایی دێ جۆداهیا مووچێ هەیڤێن سالا 2017 دەتە فەرمانبەران
ئەڤرۆ نیوز ، زنار تۆڤی:
لدووڤ نڤێسینەکا وەزارەتا دارایی و ئابووری یا هەرێما کوردستانێ کوئیمزایا رێباز حەملانی، وەزیرێ دارایی و ئابووری ل سەرە، کو گۆژمێ پارێ نەهاتیە خەرجکرن یێ هەیڤێن سالا (2017) یێن فەرمانبەران، کو ئێخستینە سەر مووچێ هەیڤا 12 یێ هەمان سال و پێ نەهاتیەدان، ل گەل مووچێ هەیڤێن داهاتی یێن سالا 2018، بۆ فەرمانبەران دێ هێتە خەرجکرن.
د بەشەکێ وێ نڤێسینا وەزارەتا دارایی و ئابووری یا هەرێما کوردستانێ، کو ل رۆژا 4-10-2018 دەرچوویە و، ئەڤرۆ ئێکشەمبیێ هاتیە بەلاڤەکرن تێدا هاتیە: ب ئەگەرێ پاشەکەفتکرنا مووچێ هەیڤا کانوونا ئێکێ یا سالا 2017 بۆ هەوە رادگەهینین، کو سەرجەم ئەو جۆداهیێن مووچەی بۆ هەیڤێن سالا 2017 ڤەدەگەریت و ل گەل لیستا مووچێ هەیڤا کانوونا ئێکێ یا سالا 2017 بۆ فەرمانبەران و مووچەخۆران هاتیە بەستن، بهێتە خەرجکرن ب لیستێن جۆدا و ل دەمێ دابەشکرنا مووچێ هەیڤانە و ل بەرچاڤ وەرگرتنا ڤان خالێن ل خوارێ:
ئێکەم: بۆ دامودەزگەهێن مەلبەندی:
گۆژمێ وێ جیاوازیا د پاشکەفتێ مووچێ مووچە خۆران بهێتە خەرجکرن کو ژ لایێ گەنجینا پەیوەندیدار ڤە وەکو بارمتە هاتیە تۆمارکرن.
دویەم: بۆ دامودەزگەهێن نە مەلبەندی:
گۆژمێ وێ جیاوازیێ د پاشکەفتێ مووچەخۆران دا بهێته خەرجکرن کو ب بارمتە هاتیە دانان ب بەلگەناما خەرجکرنێ و ب مەرجەکێ ل سەر بوودجێ سالا 2017 هاتبیتە جێگرکرن.
سێیەم: ئەڤ رێنماییە دێ ل رۆژا دەرچوونێ کار پێ هێتەکرن و دێ ل رۆژناما وەقائیعی کوردستان هێتە بەلاڤەکرن.
