وەزارەتا کارەبێ: هه‌يڤا بهێت كاره‌ب دێ بيته سيسته‌مێ سيم کارت
ئەڤرۆ نیوز، فاتما مزووری:
وەزارەتا کارەبا کوردستانێ راگەھاند کو سسیستەمێ ئەلکترۆنی دێ بیتە کارت و ئێدی کەس نەشێت کارەبێ زێدە ب کار بینیت.
شیرەتکارێ وەزیرێ کارەبا ھەرێما کوردستانێ محەمەد ئەمین گۆت: “سیستەمێ بەلاڤکرنا کارەبێ دێ بیتە کارت، ئێدی کەس نەشێت زێدە ب کار بینیت.
محەمەد ئەمین دا زانین کو ئەو سیستەمێ دێ ژ ھەیڤا بھێت کەڤیتە وارێ بجھئینانێ و گۆت: “ھەر مال یان دەزگەھـ یان دکانەک دێ بیتە خودان سیمکارتێ خوە و ل دووڤ پێدڤیا خوە یا ئەلکترۆنی بکار بینیت.
ب گۆرەیی ئاگەھداریێن وەزارەتا کارەبێ، د قووناغا دەسپێکێ دا 300 میلۆن دۆلار دێ د مەزاختنا وی سیستەمی دا ھێنە ب کارئینان.
د قووناغا ئێکێ دا دێ ل ھەولێر و سلێمانیێ سیمکارت ھێنە دانان و پاشان ژی دێ ل دەڤەرێن دی ژی ھێنە دانان.
سەرۆک وەزیرێن ھەرێما کوردستانێ نێچیرڤان بارزانی ژی دوھی راگەھاند کو سیستەمێ بەلاڤکرنا کارەبێ دێ بیتە کارت.
