وەلاتیەک گازێ بۆ هه‌موو قوتابخانێن ناحیا کانی ماسێ دابین دکەت
بەرواری بالا ، زنار تۆڤی:
هەر چەندە ئەڤ سالە وەرزێ سەرمایێ دەست پێکریە و هێشتا حوکمەتێ گازا سپی ل سەر قوتابخانێن سنۆرێ ناحیا کانی ماسێ به‌لاڤ نەکریه، لەوما قوتابخانێن ڤێ دەڤەرێ پێدڤی ب گازێ يا هه‌ى، وەلاتیەک ژى گازێ بۆ هەموو قوتابخانێن ڤێ دەڤەرێ دابین دکەت.
سەربەست سەبری، رێڤەبەرێ ناحیا کانی ماسێ بۆ ئەڤرۆنيوز دیارکر” وەلاتیەکى ب ناڤێ” حەسەن مستەفا بناڤی” کو خودانێ بانزینخانا بناڤی یە ل دهۆکێ10هزار لیترێن گازا نەفتا سپی وەکو هاریکاری و بێی بەرامبەر بۆ هەموو قوتابخانێن سنۆرێ ناحیا کانی ماسێ دابینکرینە، کو هژمارا وان دبنە 25 قوتابخانە و ئەڤرۆ چارشەمبی هەر قوتابخانەکێ 400 لیترێن گازێ وەرگرتن و هەتا رادەکێ باش ئەڤ هاریکاریە دێ مفایەکێ گەهینیتە قوتابیێن ڤێ دەڤەرێ و دێ بۆ ده‌مه‌كێ درێژ وان ژ سەرما زڤستانێ پارێزیت”.
گۆت ژی” ئەم دخوازین کەسێن وه‌كو مستەفای زێدە ببن و بشێن ب ڤی رەنگی هاریکاریا قوتابیێن سنۆرێ ناحیا کانی ماسێ بکەن، چونکی کارێن ژ ڤی رەنگی دێ خزمەتا باش بۆ قوتابیان و پرۆسا پەروەردێ ل ڤێ دەڤەرێ کەت”.
