پارتی دێ سه‌ره‌دانا ئالیێن سیاسی یێن هه‌رێما كوردستانێ و ئیراقێ كه‌ت
ئه‌ڤرۆ:
ئه‌ندامه‌كێ كۆمیته‌یا ناڤین یا پارتی دیموكراتی كوردستان ڕاگه‌هاند، پشتی تمامكرنا كارێن ئۆرگانێن پارتی، شانده‌ك بۆ دانوستاندنێ ل گه‌ل ئالیێن سیاسی دێ هێته پێكئینان.
ئومێد خوشناو، ئه‌ندامێ كۆمیته‌یا ناڤین یا پارتی دیموكراتی كوردستان گوت” هه‌ر وه‌كو د ده‌مێ ئه‌نجامدانا كۆنگره‌یێ 14 یێ پارتی دووپاتی لێ هاتیه كرن، پارتی پشتی كۆنگره‌ی دێ به‌رپه‌ره‌كێ نوو ل گه‌ل ئالیێن سیاسی ڤه‌كه‌ت و دێ سه‌ره‌دانا هه‌موو وان ئالیان كه‌ت كو دناڤ ده‌ستهه‌لاتێ دانه و هه‌تا ئه‌وێن ژ ده‌رڤه‌ی ده‌ستهه‌لاتێ ژی”.
ئومێد خوشناو دیاركر” ل ده‌مه‌كێ نێزیك شاندێ پارتی دێ سه‌ره‌دانا ئالیێن سیاسی یێن هه‌رێما كوردستانێ و ئیراقێ ژی كه‌ت و دێ سیاسه‌تا به‌رپه‌ره‌كێ نوو ل گه‌ل ئالیان ڤه‌كه‌ت”.
سه‌باره‌ت ده‌مێ سه‌ره‌دانا شاندێ پارتی بۆ ئالیێن سیاسی یێن هه‌رێما كوردستانێ و ئیراقێ، گوت” شاند دێ پشتی تمامكرنا كارێن ئۆرگانێن پارتی هێته پێكئینان بۆ وێ چه‌ندێ سه‌ره‌دانا ئالیێن سیاسی بكه‌ت”.
