پارێزگه‌رێ دهۆكێ دگه‌ل قایمقام و رێڤه‌به‌رێن په‌روه‌ردێ كۆمبوو
ئه‌ڤرۆنيوز:
ئه‌ڤرۆ پێنجشه‌مبى 28/6/2018 فه‌رهاد ئه‌مین پارێزگه‌رێ دهۆكێ كۆمبوونه‌ك دگه‌ل قایمقامێن قه‌زا و رێڤه‌به‌ر و سه‌رپه‌رشتیارێن په‌روه‌ردێ ل سنورێ پارێزگه‌ها دهۆكێ سازكر ,دكۆمبونێ دا گه‌نگه‌شه ل سه‌ر ئه‌نجامێن ئه‌زمۆنێن 9 بنه‌ره‌تى و 12 ئاماده‌یی و ئه‌گه‌رێن كێمبوونا رێژا ده‌رچوونێ ل سنورێ پارێزگه‌هێ هاته كرن.
پارێزگه‌رێ دهۆكێ داكۆكی ل وێ چه‌ندێ كر كو پێدڤیه دووڤچوونه‌كا باش بۆ ئه‌گه‌رێن كێمبوونا رێژا ده‌رچوونێ بهێته كرن و شاشی دیار ببن، چونكی نه‌یا سروشتی یه كو پارێزگه‌هه‌ك ده‌واما دروست بكه‌ت و رێژا وێ ژ پارێزگه‌هه‌كا دی يا كو پتر ژ 3 هه‌يڤان بایكوتا ده‌وامێ كری كێمتر بیت و دیاركر كو ئه‌و ب هه‌موو رژدی كاری ل سه‌ر دیاركرنا ئه‌گه‌رێن كێمبوونا ڤێ رێژێ كه‌ت دگه‌ل وه‌زاره‌تا په‌روه‌ردێ و لژنا په‌روه‌ردێ ل په‌رله‌مانێ كوردستانێ ,
ئیبراهیم سمو، سه‌رۆكێ لژنا په‌روه‌ردێ ل په‌رله‌مانێ كوردستانێ دياركر كو كۆمبوون ل سه‌ر ڤی بابه‌تێ گرنگ كاره‌ك فه‌ره و پێدڤیه راستی و ئه‌گه‌ر دیار ببن و به‌حسێ وان بزاڤان كر یێن پارێزگه‌ها دهۆكێ و لژنا په‌روه‌ردێ كرین و دێ كه‌ت بۆ دیاركرنا راستیا و ئه‌گه‌رێن كێمبوونا رێژا پارێزگه‌هێ ,, هه‌روه‌سا ده‌ست خوه‌شی ل په‌روه‌ردا پارێزگه‌هێ كر بۆ كارێ وان یێ پاقژ د پرۆسا چاڤدێری كرنا ئه‌زمۆنان دا .
پاشی رێڤه‌به‌رێ گشتی یێ په‌روه‌ردا پارێزگه‌هێ عومه‌ر عه‌لی دیار كر كو دووڤچونا پارێزگه‌هێ ل سه‌ر ڤی بابه‌تی كاره‌ك پیروزه و هیڤی خواست كو ب ڤێ دووڤچوونێ هه‌موو راستی و ئه‌گه‌ر دیار ببن ,
پاشی گه‌نگه‌شه ژلایێ قایمقام و سه‌رپه‌شتیاران ڤه هاته كرن و چه‌ندین پێشنیار بۆ بساناهی دیاركرنا ئه‌گه‌ران دانه دیار كرن ,
ل دووماهیێ پارێزگه‌رێ دهۆكێ بو ده‌زگایێن راگه‌هاندنێ دیار كو پشتی ئه‌نجامێن ئه‌زمۆنێن وه‌زاری هاتینه راگه‌هاندن، مه دیت یا فه‌ره كۆمبوونه‌كێ ل سه‌ر ئاستێ په‌روه‌ردا گشتی و هنده‌ك لایه‌نێن دی یێن په‌یوه‌ندیدار وه‌كو په‌رله‌مانێ كوردستانێ و ئه‌نجومه‌نێ پارێزگه‌هێ بهێته ئه‌نجام دان و ئه‌ڤ بابه‌ته هاته گه‌نگه‌شه كرن بوچی ژ سه‌رجه‌مێ 57 كه‌سێن به‌راهیكی یێن ده‌رچوی، تنێ ئێك قوتابی ژ یارێزگه‌ها دهۆكێ بیت مه دووڤچوونا ڤی بابه‌تی كر ,
هه‌روه‌سا گوت : مه‌به‌ست ژ ڤێ كوۆمبوونێ بابه‌تێن ئه‌رێنى بووینه بۆپێشڤه‌برنا پرۆسا په‌روه‌ردێ ل سه‌ر ئاستێ پارێزگه‌هێ و كارتێكرنێ ل هه‌رێما كوردستانێ دهه‌مان ده‌مدا داخوازێ ژ حكومه‌تا هه‌رێمێ و وه‌زاره‌تا په‌روه‌ردێ و ئه‌نجومه‌نێ وه‌زیران و لژنا په‌روه‌ردێ و خاندنا بلند ل په‌رله‌مانی و هه‌موو لایه‌نێن په‌یوه‌ندیدار كو دیدووڤچوون دڤی بابه‌تی دا بهێته كرن، هه‌كه كێشه ژ پارێزگه‌هێ و پرۆسا په‌روه‌ردێ و رێڤه‌به‌ریا گشتی یه دا دگه‌ل وان بابه‌تی چاره‌كه‌ین، خوه ئه‌گه‌ر بابه‌ته‌كێ دی يه پێدڤیه دووڤچوون و پێرابون بهێنه كرن و بوچی پارێزگه‌ها دهۆكێ ل ئاستێ سیێ و دووماهیێ دهێت و رێژا قوتابیێن ئێكێ ل دهۆك كێمتره و هنده‌ك جاران چو رێژه نینه و دبیت نابیته 2% كو ژ 57 كه‌سا تنێ ئێك ل دهۆكێ بیت ,
دیسان گۆت ب خوه‌شحالی ڤه ئه‌و لایه‌نێن ئاماده‌بووین پێزانێن باش هه‌بون و دیار كرن دیسان پێشنیار هه‌بوینه و دێ به‌رده‌وام دیف چونێ كه‌ین تا راستی دیار دبن .
ده‌رباره‌ی پاقژیا سه‌رپه‌رشتیا ئه‌زمونا ل پارێزگه‌هێ كو ئه‌گه‌رێ كێم بونا رێژێ بیت .. پارێزگه‌رێ دهوكێ گوت : بو دیروكێ دێ بێژم كو ئه‌ڤه دیده‌ڤانیا وه‌زیێ په‌روه‌ردێ بویه كو كو ب تیلفونێ ئاخفتیه به‌حس كری كو دهوك دهه‌می بوارا دا تایبه‌ت لایه‌نێ پابه‌ند بون و پێگیریا ب رێنما و پاقژیا چاڤدێریا ئه‌زمونا و كێم بونا دیاردێن هه‌ین زور زور باشه و رێژا سه‌رپێچا كێمتره ژ هه‌می كوردستانێ و دبیت ئه‌ڤه ئێك ژ فاكته‌را بیت كو رێژا دهوك كێمتر بیت لێ ئه‌م دێ دیف چونێ كه‌ین تا راستی دیار دبن .
هه‌روه‌سا سه‌روكێ لژنا په‌روه‌ردێ و خاندنا بلند ل په‌رله‌مانێ كوردستانێ ل دور پێرابونێن وان بو داخازیێن پارێزگه‌ها دهوكێ لسه‌ر ڤی بابه‌تی كا دێ هه‌لویستێ وان چ بیت گوت: ئه‌م ژ روژا ئێكێ یا ئه‌زمونا دكه‌ڤینه دحاله‌تێ ئاماده باشیێ دا و هه‌ر پرسیاره‌ك یان گازنده‌ك بگه‌هیت مه هنده‌كا ژوان دگه‌ل وه‌زاره‌تێ ئێكسیه‌ر به‌حس دكه‌ین ,, لێ یا ئه‌ڤرو یا پارێزگه‌ها دهوكێ هاتیه كرن و پشتی گه‌نگه‌شه‌كا به‌رفره‌ه بومه دیار بویه كو غه‌دره‌ك ل دهوكێ بویه و یا گرێدای پارێزگه‌هێ هاته ده‌ست نیشان كرن و و داخازیێن كومبوین دێ ل هه‌فتیا بهێت ل لژنا په‌روه‌رده و خاندنا بلند ل په‌رله‌مانی دێ كوم بیت و دبیت بوردێ ئه‌نجومه‌نێ وه‌زیران كومبونه‌كا بله‌ز بهێته كرن چونكێ نه‌یا ره‌وایه كو سێ هه‌یڤا بایكوت بهێته كرن ل سلێمانیێ و لدهوكێ پێگیری ب ده‌وامی هه‌بیت و ل سلێمانیێ 36% و دهوكێ رێژا 19% بیت و ئه‌م وه‌كو لژنا په‌روه‌ردێ دێ دیف چونێ كه‌ین و هه‌فتیا بهێت دێ ئه‌نجامێن دان و ستاندنێن بو میدیایێ دیار كه‌ین .
