پارێزگه‌رێ دهۆكێ و وه‌زیرێ دارایی گه‌نگه‌شا پێدڤیێن پارێزگه‌هێ كر
ئه‌ڤرۆ نیوز:
ئه‌ڤرو سپێدێ 26/11/2018 (رێباز حه‌ملان) وه‌زیرێ دارایی و ئابوری یێ حكومه‌تا هه‌رێما كوردستانێ سه‌ره‌ادانا كوچكا پارێزگه‌ها دهوكێ دا و ژلایێ (فه‌رهاد ئه‌مین ئه‌تروشی ) پارێزگه‌رێ دهوكێ ڤه هاته پێشوازی كرن .
دهه‌ڤدیتنه‌كێ دا ب ئاماده‌بونا (حه‌مید عه‌لی) رێڤه‌به‌رێ كومه‌لگه‌ها ئیبراهیم خه‌لیل یا سنوری به‌حسێ پێدڤی و كێم و كاسیێن پارێزگه‌ها دهوكێ و ئه‌و بارێ گران یێ شه‌رێ داعش و هاتنا ئاوارا ب رێژه‌كا مه‌زن كه‌تیه سه‌رملێت پارێزگه‌هێ و كارتێكرنا وان ل سه‌ر هه‌می سه‌تكته‌رێن ژیانێ هاته كرن ,
دیڤدا كومبونه‌كا به‌رفره‌ه دگه‌ل هه‌مێ قایمقام و رێڤه‌به‌رێن گشتێ و رێڤه‌به‌رێن هوبێن دارایی ب ئاماده‌بونا رێڤه‌به‌رێ كومه‌لگه‌ها ئیبراهیم خه‌لیل هاته به‌ستن تێدا به‌راهیێ پارێزگه‌رێ دهوكێ ئاماژه كر كو گه‌له‌ك ئاریشێن دارایی ل سنورێ پارێزگه‌ها دهوكێ هه‌نه و گه‌له‌ك غه‌در ل پارێزگه‌ها دهوكێ دهێته و داخاز كر كو تایبه‌تمه‌ندیا پارێزگه‌هێ بارێ گران یێ ئاوارا و شه‌رێ داعش ل به‌رچاڤ بهێته وه‌رگرتن دیسان داكوكی ل وێ چه‌ندێ كر كو ئاریشێن پارێن به‌لێنده‌را ل دیف شیانا بهێته چاره كرن و هیڤی خواست كوسالا بهێت ساله‌كا باشتر بیت بو كوردستانێ ,
دیڤدا وه‌زیرێ دارایی دیار كر كو ئارمانجا سه‌ره‌دانێ بو گوهداری كرنا پێدڤی و كێم و كاسیێن پارێزگه‌هێ یه و ده‌ست خوشی ل پارێزگه‌رێ دهوكێ و هه‌می رێڤه‌به‌ریێن پارێزگه‌هێ كر بو وی كارێ باش و بێی كێماتسی كو ئه‌نجام دده‌ن و گوت .. حكومه‌تا هه‌رێما كوردستانێ قه‌ردارێ پارێزگه‌ها دهوكێ یه ژبه‌ر ڤه‌حه‌واندنا رێژه‌كا مه‌زن یا ئاوارا و رولێ وان دشه‌رێ داعش دا ,
دلایه‌كێ دیدا ئاماژه كر كو پشتی سه‌ره‌دانا سه‌روك بارزانی بو به‌غدا گه‌له‌ك ئه‌نجامێن باش و ئه‌رێنی هه‌بون و رێژا بودجێ دێ بیته ڤه 17% و پێشمه‌رگه دێ بیته پشكه‌ك ژ رێكخستیا به‌رگریا ئێراقێ و هه‌روه‌سا مه‌زاختێن سیادی ل بودجێ كێم بكه‌ن و هه‌رێمێ ژی پشكه‌ك تێدا هه‌بیت وگوت ب گشتی سه‌ره‌دانا سه‌روك بارزانی بو به‌غدا گه‌له‌ك بمفا بو و ب ئانه‌هیا خودێ گه‌له‌ك ئاریشه دێ هێنه چاره‌سه‌ر كرن ,
هه‌روه‌سا گوت وه‌كو حكومه‌تا هه‌رێمێ پلان هه‌یه كو چاره‌كێ بو پاشكه‌وتی بكه‌ن و دێ پلانه‌كا رێك و پێك هێته دانان بو ڤێ مه‌ره‌مێ ,
دیڤدا جودا جودا ئاریشه و پێدڤی و كێم و كاسی ژلایێ به‌رهه‌ڤبویا ڤه هاتنه به‌رچاڤ كرن ژوان ئاریشێن به‌لێنده‌ر و پروژێن ماینه نیڤه رو و ئاریشا نه‌خوشخانا په‌نجه‌شێرێ ل دهوكێ و نه‌خوشخانا ته‌نگاڤیا و زاروك بونێ وئاڤاكرنا قوتابخانا پارێ به‌لێنده‌را و ئه‌و پروژێن ماینه نیڤه رو ,
وه‌زیرێ دارایێ به‌لێن دا ل دیف شیانا هه‌می ئاریشه بهێنه چاره كرن و دگه‌ل سه‌روكاتیا حكومه‌تا هه‌رێمی گه‌نگه‌شه بكه‌ن بێخه‌مه‌ت چاره‌كرنا ئاریشێن گرنگ و پێدڤی .
