پارێزگه‌رێ دهۆكێ و به‌رپرسێ رێكخراوا WFP ته‌كه‌زیێ ل هه‌ڤكاریێ دكه‌ن
ئه‌ڤرۆ نیوز:
فه‌رهاد ئه‌مین ئه‌تروشى پارێزگه‌رێ دهوكێ ئەڤرۆ هه‌ڤدیتنه‌ك دگه‌ل (عبدالرحمن میكیاك) به‌رپرسێ نوو یێ رێكخراوا خارنا جیهانى(WFP) ل ئیراقێ وشاندێ دگه‌لدا كر.
دهه‌ڤدیتنێدا ب ئاماده‌بونا به‌رێز اسماعیل محمد احمد هاریكارێ پارێزگه‌رى بو كاروبارێن مروڤایه‌تى به‌حسێ ره‌وشا ئاواره وپه‌نابه‌ران ل سنورێ پارێزگه‌هێ وئه‌و هاریكارى وپشته‌ڤانیا پارێزگه‌ها دهوكێ ورێكخراوێن نیڤ ده‌وله‌تى ومروڤایه‌تى پێشكێشدكه‌ن وبه‌رنامێن رێكخراوا ناڤبرى بو هاریكاریكرنا ئاواره وپه‌نابه‌ران ل ناڤ وده‌رڤه‌ى كه‌مپان ب گشتى هاته كرن.
هه‌ر دهه‌ڤدیتنێ دا هه‌ردوولا ته‌كه‌زى ل سه‌ر هه‌ڤكاریێ كر بو وێ یه‌كێ به‌رده‌وام هاریكاریا ئاواره وپه‌نابه‌ران بهێته كرن.
ژلایێ خوڤه پارێزگه‌رێ دهوكێ خوشحالیا خو ب سه‌ره‌دانێ دیاركر وپیروزباهیا به‌رپرسێ نوو یێ رێكخراوا خارنا جیهانى(WFP) ل ئیراقێ كر وهیڤى یا سه‌ركه‌فتنێ بو خواست وبه‌رهه‌ڤیا پارێزگه‌هێ نیشان دا بو هه‌ر هاریكاریه‌كێ بو یه‌كێ كار وبه‌رنامێن رێكخراوا خارنا جیهانى(WFP) ل سنورێ پارێزگه‌ها دهوكێ باشتر بهێنه بجهئینان.
