پشتى ساله‌كێ ژريفراندۆما وان كه‌تالونى داخوازا سه‌ربخوه‌يێ دكه‌ن
ئه‌ڤرۆنيوز:
ل 27/10/2017 كۆمارا كه‌تالونيا هاته راگه‌هاندن وب ده‌نگێ گه‌لێ كه‌تالونى كو ريفراندۆم ئه‌نجام دابوو، جودابوون ژ ئيسپانيا هه‌لبژارد ول په‌رله‌مانێ خوه سه‌ربخوه‌يا خوه راگه‌هاند.
هه‌ر ل وى ده‌مى، په‌رله‌مانێ كه‌تالونيا پشت ب ئه‌نجامێ ريفراندۆما هه‌رێما خوه به‌ست، كو ل 1/10/2017 هاتبوو ئه‌نجامدان، دئه‌نجامدا زێده‌تر ژ 90% ژ ده‌نگده‌رێن كه‌تالنى پشكداربوون ودو مليۆن ده‌نگده‌ران ده‌نگى بۆ سه‌ربخوه‌يێ دا، به‌لێ هه‌ر ل وێ رۆژێ هێزێن ئيسپانى ده‌ست ب رێگريێ كر ورێ نه‌دا ئه‌و پرۆسا ديموكراسى وه‌كو پێدڤى ب رێڤه‌بچيت، هه‌ڤده‌م ماريانۆ راخۆى، سه‌رۆكێ وى ده‌مى يێ حوكمه‌تا ئيسپانيا راگه‌هاند، بريارێن هه‌رێما كه‌تالونيا، دێ هێنه ره‌تكرن.
پشتى وێ چه‌ندێ ول هه‌يڤا كانوونا ئێكێ 2017 كه‌تالونيا هه‌لبژارتنێن په‌رله‌مانى ئه‌نجامدان وحزبێن سه‌ربخوه‌خواز پتريا ده‌نگان بده‌ستڤه‌ئينا، ل 1/3/2018 بۆجديمۆن ده‌ست ژ سه‌رۆكاتيا كه‌تالونيا به‌ردا وپاشى ل هه‌يڤا حوزه‌يرانا 2018 كۆميتۆرا ب سه‌رۆكێ كه‌تالونيا هاته دانان كو ب سه‌ربخوه‌خوازه‌كێ ميانره‌و دهێته هژمارتن.
هه‌ڤده‌م ل ئيسپانيا ژى، پيدرۆ سانشێز ب سه‌رۆكێ نوو يێ وه‌زيران هاته دياركرن وپشتى ده‌ست ب كاربوونا وى، ده‌ست ب دانوستاندنان ل گه‌ل سه‌رۆكێ كه‌تالونيا دكر، به‌لێ نه‌گه‌هشتينه رێككه‌فتنێ.
پشتى رێككنه‌كه‌فتنا هه‌ردو سه‌رۆكان، جاره‌كادى داخوازا جودابوونێ ژ ئيسپانيا ژلايێ كه‌تالونيان سه‌رهلدا وزێده‌تر ژ 180 هزار كه‌سان چوونه سه‌ر جادێن باژێرێ به‌رشه‌لونا وداخوازا سه‌ربخوه‌يێ كر.
