پشتی (18) سالان سترانەك بەلاڤكر
رەمەزان زەكەریا
سترانبێژ (سیڤان عەباس) ددیدارەكێ دا بۆ رۆژنامەیا ئەڤرۆ گۆت: من نووترین سترانا خۆ ب ناڤێ (شەستەی بەهاران) ب شێوازێ ڤیدیۆ كلیپ بەلاڤكر، هونەرمەند (عەدنان كەریم) ل سالا 2001 ئەڤ ئاوازە بۆ من فرێكربوو، بەلێ گۆتە من جارێ سترانێ تۆمار نەكە هەتا پشكا مۆزیكێ و پەیمانگەهێ تەمام دكەی،
هەروەسا گۆت: ئەڤ سترانە ژ پەیڤێن (حەسیب قەرەداخی) یە، عەدنان كەریم ئاواز بۆ دانایە، ڕاستی جەمال كوردی، كارێ ئامادەكرن و دابەشكرنا مۆزیكا وێ كریە، ل ستۆدیۆیا مالا مۆزیك ژلایێ مامۆستا عەباس ڤە هاتیە تۆماركرن، هەروەسا مەحموود كەمال، كارێ دەرهێنانێ بۆ ڤیدیۆ كلیپێ كرییە، بۆ زانین ئەڤ سترانە ل سالا 2019 من تۆماركرییە، بەلێ هونەرمەند عەدنان كەریم ل سالا 2001 وەرە ئەڤ ئاوازە بۆ من فرێكریبوو، بەلێ گۆتە من جارێ سترانێ تۆمار نەكە هەتا پشكا مۆزیكێ و پەیمانگەهێ تەمام دكەی، من ژی پشتی 18 سالان نوكە ب باش زانی سترانێ بەلاڤ بكەم و هیڤیا من ئەوە ب دلێ هەموو لایەكی بیت.
