په‌یاما سه‌ره‌خوه‌شیێ یا مه‌سرور بارزانی بۆ وه‌غه‌ركرنا سه‌رۆكێ ئیماراتێ
سه‌رۆكێ حوكمه‌تا هه‌رێما كوردستانێ د په‌یامه‌كێ دا، سه‌ره‌خوه‌شی ل سه‌ركردایه‌تی و گه‌لێ ئیماراتێ كر بۆ وه‌غه‌ركرنا شێخ خه‌لیفه بن زاید ئال نه‌هیان سه‌رۆكێ وه‌لاتێ ئیمارات و تێدا دبێژیت، ب خه‌مه‌كا مه‌زن ڤه، ده‌نگوباسێ وه‌غه‌ركرنا سه‌رۆكێ وه‌لاتێ ئیماراتێ، شێخ خه‌لیفه بن زاید ئال نه‌هیان گه‌هشته من و ب ناڤێ خوه و خه‌لكێ هه‌رێما كوردستانێ، پرسه و سه‌ره‌خوه‌شیێن خوه ئاراسته‌ی سه‌ركردایه‌تی و گه‌لێ ئیماراتێ ب گشتی دكه‌ین. خودێ مه‌زن گیانێ ره‌حمه‌تی ب به‌هه‌شتێ شاد بكه‌ت كو هه‌موو ژیێ خوه ژ پێخه‌مه‌ت خزمه‌تكرنا خه‌لكێ خوه و مرۆڤایه‌تیێ ته‌رخانكربوو. سه‌بر و ئارامیێ ژی ب مه هه‌موویان ببه‌خشیت.
