پێدڤییە هەلبژارتن د سەقایەكێ ئارام و ب زەلالی بهێنە ئەنجامدان
دوهی سێشەمبی 15/10/2024، ل سەلاحەدین سەرۆك مەسعود بارزانی پێشوازی لد. محەمەد ئەلحەسان، نوونەرێ تایبەت یێ سكرتێرێ گشتیێ رێكخراوا نەتەوەیێن ئێكگرتی ل ئیراقێ كر.
ب گۆڕەی بەیاننامەیەكا بارەگەهێ بارزانی» د دیدارەكێدا سەرۆك بارزانی پیرۆزباهی ل د. محەمەد ئەلحەسان كر و هیڤییا سەركەفتنێ بۆ خواست د ئەرك و كارێ وی یێ نوو دا».
هەر د وێ دیدارێدا، وەكو د بەیاننامەیا بارەگەهێ بارزانی دا هاتی» بیر و بۆچوون سەبارەت رەوشا سیاسی و پێشهاتەیێن ئیراقێ و دەڤەرێ و گەفێن پێشبەری سەقامگیرییا ئیراقێ و دەڤەرێ و رۆلێ (یونامی) د چارەسەركرنا كێشەیان و پەیداكرنا سەقامگیریێ، هاتنە لێكگوهارتن».
پەیوەندیێن د ناڤبەرا هەرێما كوردستانێ و حوكمەتا ئیراقا فیدرال و هەروەسا هەلبژارتنێن پەرلەمانێ كوردستانێ وپێدڤییا ئەنجامدانا وان د سەقایەكێ ئارام و زەلالدا تەوەرێن دی یێ وێ دیدارێ بوو.
