چاڤدێره‌كێ سياسى:خوه‌نيشادانێن به‌سرا دێ كاريگه‌ريێ ل پێكئينانا حوكمه‌تا عيراقێ كه‌ن
ئه‌ڤرۆ نیۆز:عه‌زیز هه‌ورامی
وه‌لاتيێن پارێزگه‌ها به‌سرا ژئه‌گه‌رێ نه‌بوونا ئاڤێ وكاره‌بێ وخزمه‌تگوزاريێن گشتى خوه‌نيشادانان ئه‌نجام ده‌ده‌ن، چاڤدێره‌كێ سياسى ژى دبێژيت ره‌وشا به‌سرا به‌ر ب گرژيا زێده‌تر دچيت.
مه‌شخه‌ل كه‌ولوسى، سه‌رۆكێ ناڤه‌ندا چاڤێ كورد بۆ په‌ره‌پێدانا سياسى بۆ ئه‌ڤرۆنيوز گۆت” خوه‌نيشادانێن به‌سرا بۆ داخوازيا ئاڤ وكاره‌بێ وخزمه‌تگوزاريێن گشتى دێ كاريگه‌ريێ كه‌ته سه‌ر پێكئينانا حوكمه‌تا عيراقێ”.
گۆت ژى” حوكمه‌تا عيراقێ شكه‌ستن ئينا ونه‌شێت خزمه‌تگوزاريان پێشكێشى وه‌لاتيان بكه‌ت”.
سه‌رۆك بارزانى دپه‌يامه‌كێ دا پشته‌ڤانيا گه‌لێ كوردستانێ بۆ وه‌لاتيێن به‌سرا راگه‌هاندبوو، مه‌شخه‌ل كه‌ولوسى ل دۆر وێ چه‌ندێ دبێژيت” په‌ياما سه‌رۆك بارزانى يا گرنگ بوو وبۆ كوردان شانازيه سه‌رۆك بارزانى پشته‌ڤانيا وه‌لاتيێن به‌سرا بكه‌ت وپه‌ياما سه‌رۆك بارزانى ل جادا به‌سرى ده‌نگڤه‌دانه‌كا مه‌زن هه‌بوو كو نڤيسه‌ر وچالاكڤان ووه‌لاتيێن به‌سرا ئه‌و په‌يامه ب بلند نرخاند.
