چو راستى بۆ گرانبوونا بهايێ سه‌مون و نانى نينن
ئه‌ڤرۆ نيوز:
ئوسمان یونس جێگرێ پارێزگه‌رێ دهوكێ كومبونه‌ك دگه‌ل لایه‌نێن په‌یوه‌ندار ل دور ئاریشه و پێدڤیێن نانپێژان و سه‌مونخانا گرێدا تێدا ب تێرو ته‌سه‌لی به‌حسێ ئاریشێن وان هاته كرن ب تایبیه‌تی ئاریشا گازا سپی و كێمكرنا باهرا وان.
دكومبونێ دا بریار هاته دان كو سه‌نگا نان و سه‌مونا نه‌هێته كێمكرن و بهایێ وانژی هه‌ر وه‌كی خو بمینیت و لژنێن تایبه‌ت هاتنه پێك ئینان ل هه‌می قه‌زایێن سه‌رب پارێزگه‌هێ ڤه كو بو دیف چونا وبجه ئینانا بریاران, هه‌روه‌سا ل دیف شیانا حكومه ت دێ پشته‌ڤانیا وان كه‌ت ب گازا سپی.
لدور ئارمانج و ئه‌نجامێن كومبونێ ( ئه‌ندازیار ئوسمان یونس ) جێگرێ پارێزگه‌رێ دهوكێ بو كاروبارێن ته‌كنیكی گوت : پشتی گه‌له‌ك گازندێن خودانێن نانپێژی و سه‌مونخانا گه‌هه‌شتینه كارگێریا پارێزگه‌ها دهوكێ ژ لایێ قایمقامێ دهوك ڤه و گازنده ئه‌و بون كو گازا سپی گران بویه و به‌هرا وان ژ حكومه‌تێ بو دهاته دان هاتیه كێمكرن ئه‌ڤه‌ژی بویه ئه‌گه‌رێ نه‌مانا فایدێ وان و خودانێن نانپێژی و سه‌مه‌ونخانا دڤیا سه‌نگا نانی كێم بكه‌ن و بهایێ ویژی بلند بكه‌ن مه‌ژی كومبونه‌ك كر ب حازر بونا لایه‌نێن په‌یوه‌ندیدار و خودانێن نانپێژی و سه‌مونخانا ژی و ئه‌ف بریاره هاتنه دان .. نابیت ب چ ره‌نگا سه‌نگا نانی و سه‌مونا بهێته كێمكرن و بها ژی هه‌ر بمینیت وه‌كی خو تا 15 / 4 / 2017 و پشتی هینگی دبیت ئه‌و هاریكاریا كارگێریا پارێزگه‌هێ بو وان دكر زێده ببیت ژبه‌ر كو نوكه ئه‌م 50% هاریكاریێ دكه‌ین دبیت پشتی هینگێ ببیته 100% .
هه‌روه‌سا بریار هاته دان كو ده‌ستیری بونانپێژی و سه‌مونخانا نه‌هێته دان بو ماوێ 33 هه‌یڤا داكو بارێ كارگێریا پارێزگه‌هێ یی پشته‌ڤانی كرنا وان زێده نه‌بیت و ئه‌ف سه‌مونخانه و نانپێژی تێرا پارێزگه‌هێ هه‌نه ,, هه‌روه‌سا لژنه‌ك هاته پێك ئینان بو دیف چونا كارێ وان بكه‌ت بو هندێ بزانن كا ئه‌ف سه‌مونخانه و نانپێژیه همی هه‌نه نینن ل كیرێ نه و كار دكه‌ن یان نه ,دیسان لژنه بو دویف چونا كارێ وان و سنگ و بهایێ نانی ل هه‌می قزا دێ هێنه پێك ئینان و كار دێ ل ژێر چاڤدێریێ بیت