ژڤانێن نۆشداران
عەبدولرەحمان مەحموود
د سەردەمێ مە یێ ئەڤڕۆ دا، دەم بوویە گرانبەهاترین تشت كو مرۆڤ گرنگیێ پێ بدەت، لایەنەكێ گرنگ یێ ژیانا مە كو پێدڤی ب رێكخستنەكا دقیق هەی، لایەنێ ساخلەمیێ یە. وەرگرتنا ژڤانەكی ل دەف نۆژداری، نە بتنێ دەستنیشانكرنا دەمەكی یە، بەلكو دەسپێكا پرۆسەیا چارەسەریێ و رێزگرتنە ل دەمێ نۆژدار و نەخۆشێن دی ژی، هەلبەت كەسەك ژ مە نینە پێدڤی ب چوونا دەڤ نۆژداران نەبیت بۆ پڕسین ژ ساخلەمیا خۆ، بێگومان بەری بچین دەف نۆژداری، نەخاسمە كلینیكێن نۆژدارێن تایبەت دێ پەیوەندیێ ب سكرتێرێ نۆژداری كەین بۆ وەرگرتنا ژڤانەكی تاكو قەرەبالغی ل ژۆرا چاڤەڕێبوونا نۆژداری دروست نەبیت و هەر ئێك ل دویڤ ژڤانێ خۆ بچیتە دەف نۆژداری، ئەو دەما مرۆڤ ل دویڤ ژڤانێ خۆ دچیت و پسیار ژ سكرتێری دكەت كۆ تەئەڤ ژڤانە دایە من، مانە دوورا منە بچمە دژۆرڤە، دێ بێژیت خۆ بگرە هەتا ئەڤێت بەری تە خلاس ببن پاشی دێ گازی تەكەم، هەروەكو ئەو ژڤانێ ب من هاتیە دان دپێگیرنەبوون و چو ڕێز لێ نەهاتە گرتن، مانە ئەو ژڤانێ دایە من بۆ هندێ بۆ دا ل دەمێ خۆ یێ دیاركری چووبام دژۆرڤە، بەلكو ساخلەمی یان ژی دەمێ مرۆڤی هند ناخۆازیت گەلەك بمینیتە ل هیڤیا چوونا ژۆر و مرۆڤ بێزار دبیت تاكو دوورا مرۆڤی دهێت، گەلەك جارا ژ وی ژڤانێ ب مرۆڤی هاتییە دان؛ پشتی ژڤانێ خۆ ب دەمژمێرەكێ یان پتر شنی دچیە دەف نۆژداری و ئەڤە ژی دبیتە جهێ سەرگێژی و دلنەڕەحەتیێ ل دەڤ نەخۆشی و دروستبوونا قەرەبالغیێ ژی د هۆلا چاڤڕێ بوونێ دا، هەلبەت گرنگیا ڕێكخستنا دەمی و پێگیربوون پێ؛ مفایێن خۆ هەنە، وەك كێمكرنا قەرەبالغیێ و نۆژدار ب سەرەنجەكا پتر گوه ل سكالایێن نەخۆشی دگریت دەما كو دزانیت خشتەیێ وی یێ ڕێك و پێكە و فشار ل سەر یا كێمە، ئەڤجار پێگیریبوون ب ژڤانێ خۆ ڕێزگرتنە ل مافێن نەخۆشێن دی و هەر گیرۆبوونەك ژ لایێ نەخۆشەكی ڤە دبیتە ئەگەرێ تێكچوونا خشتەیێ گشت نەخۆشێن پشتی وی.
