ژ ئه‌گه‌رێ تره‌مپ دێ گوهۆڕينێن مه‌زن ل عيراقێ روو ده‌ن
ئه‌ڤرۆ نيوز:
پشتى سه‌ركه‌فتنا دۆنالد تره‌مپ د هه‌لبژارتنێن سه‌رۆكاتيا ئه‌مريكا دا، سياسه‌تمه‌داره‌كێ عيراقى رادگه‌هينيت كو تره‌مپ دێ دووماهيێ ب سه‌رده‌مێ ئيسلاميان ل عيراقێ ئينيت.
سياسه‌تمه‌دار و نڤيسه‌رێ ديارێ عيراقێ “حه‌سه‌ن عه‌له‌وى” بۆ رۆژناما زه‌مان راگه‌هاند: “پشتى وه‌رگرتنا پۆستێ سه‌رۆكێ ئه‌مريكا ژ لايێ تره‌مپ، دهێته پێشبينيكرن گوهۆڕينێن مه‌زن د سياسه‌تا ئه‌مريكا به‌رامبه‌ر عيراقێ دا روو بده‌ن”.
ناڤبرى ئاماژه ب وێ چه‌ندێ ژى كر كو ئه‌مريكا دێ پشته‌ڤانيا زێده‌تر يا لايه‌نێن ليبرالێن عيراقێ كه‌ت، ژ به‌ر هندێ سه‌رده‌مێ پارت و لايه‌نێن ئاينى ب دووماهى هات و د هه‌لبژارتنێن بهێت يێن عيراقێ دا عه‌لمانى دێ هێنه پێشڤه”.