ژ ئه‌گه‌رێ كێشه‌كا جڤاكى ژنه‌كێ خوه سۆت
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا به‌ره‌ڤانيا باژێرى راگه‌هاند كو ئه‌ڤرۆ رۆژا ئێكشه‌مبى ل دهۆكێ ژنه‌كێ ئاگر به‌ردا لاشێ خوه و ل ده‌مێ بزاڤێن رزگاركرنێ ژ لايێ هه‌ڤژينێ وێ ڤه ئاگر به‌ربوو وى ژى.
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ راگه‌هاند كو ئه‌ڤرۆ رۆژا ئێكشه‌مبى 21ى شوباتا 2016ێ و ل ده‌مژمێر 8:40 ل تاخێ سه‌ربه‌ستى يێ باژێرێ دهۆكێ ژنه‌كێ ئاگر به‌ردا لاشێ خوه و زه‌لامێ وێ ژى بزاڤ گرن ئاگرى ژێ ب ته‌مرينيت”.
زێده‌تر گۆت: “ژ به‌ر بزاڤێن زه‌لامێ وێ بۆ ڤه‌مراندنا ئاگرى ژ وێ ئاگر به‌ربوويه زه‌لامى و هه‌ردو پێكڤه بۆ نه‌خۆشخانا سۆتن و جوانكاريێ ل دهۆكێ هاتنه ره‌وانه‌كرن”.
به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ ئاماژه ب وێ چه‌ندێ ژى كر كو ئه‌ڤ روودانه ژ ئه‌گه‌رێ كێشه‌كا جڤاكى هاتيه ئه‌نجام دان.
