ڤيديۆ: ده‌قێ كۆنگرێ رۆژنامه‌ڤانى يێ مه‌نسور بارزانى ل ده‌مێ ئيدانه‌كرنا گۆتنێن په‌رله‌مانتارا گۆڕان
ئه‌ڤرۆ نيوز:
مه‌نسور بارزانى فه‌رماندێ له‌شكرێ تايبه‌تێ ئێك و گۆلان د كۆنگره‌كێ رۆژنامه‌ڤانى دا، د چارچۆڤێ پشكداريكرن د خوه‌نيشاندانێن پێشمه‌رگه‌ى ل دژى گۆتنێ سروه عه‌بدولواحد په‌رله‌مانتارا گۆڕان راگه‌هاند: “ئه‌م يێن هاتين پشته‌ڤانيێ ل سكالايا وه‌زاره‌تا پێشمه‌رگه‌ى بكه‌ين”.
گۆتژى: “من گه‌ف ل چو كه‌سان نه‌كرينه، ئه‌ز وێ رۆژێ كو ل گه‌ل خه‌لكى ژى دژى گۆتنێن ئه‌وێ په‌رله‌مانتارێ چوومه سه‌ر جادێ وه‌كو كورێ سه‌رۆكى نه‌چوويمه، به‌لكو وه‌كو پێشمه‌رگه‌يه‌كێ ئه‌ڤێ ئاخێ يێ چوويم و چو هه‌ره‌شه من نه‌كرينه، قانوون و دادگه‌هـ يێن هه‌ين و مه داخوازا ژ داخوازكه‌رێ گشتى كريه كو سكالايا قانوونى تۆمار بكه‌ت دا كو ئه‌و په‌رله‌مانتار بێت و پاكانا خوه بنه‌جهـ بكه‌ت، به‌لێ ژ به‌ر كو عه‌ره‌بيا وێ يا ب هێزه و كوردى يا ژبيركرى وه‌سان تێگه‌هشتيه كو من گه‌ف يێن كرين، هه‌كه من گه‌ف نه‌كرينه و ئه‌م هى نه‌بووينه ڤان كاران، به‌لكو دێ د رێيا قانوونێ دا سكالايێ تۆمار كه‌ين”.
مه‌نسور بارزانى ئه‌و چه‌ند ژى ئاشكه‌را كر كو ئه‌و كه‌سێن دبێژن پێشمه‌رگه ميليشيايه كرێگرتى نه، پێشمه‌رگه پارێزگارێن وه‌لاتى و رۆندكێن چاڤێن دايكێن شه‌هيدانه، خێزانێن شه‌هيدان تاجا سه‌رێ كورد و كوردستانێ نه”.