کومەکا دزیکەر و ساختەکاران ھاتينە دەستەسەرکرن
ئەڤرۆ نیوز:
بەرپرسێ راگەھاندنا پولسێن پارێزگەھا دھۆکێ د کونگرەکێ رۆژنامەڤانی دا ئەڤرۆ ل رۆژا چارشەمبی دەستەسەرکرنا کومەکا دزیکەر و سەختەكاران راگەھاند کو ل ماوێ بوری ھاتینە دەستەسەرکرن ژلایێ پولیسێن پارێزگەھا دھۆکێ پشکا نەھێلانا ساختەکاریێ.
زێدەتر د ڤی چارچوڤەی دا رائیدێ مافپەروەر ھێمن سلێمان دیارکر دو کەسێن رەگەز جورجی کوژمێ ١٣٠ ھزار یورویێن ساختە ئیناینە پارێزگەھا دھۆکێ و ل بەربوو ل بازارێ پارەگوھۆرا مەزێخیت لێ نەشیان ڤێ چەندێ ئەنجام بدەن و ھاتنە دەستەسەرکرن.
ناڤھاتی زێدەتر دیارکر ھەڤدە تومەتبار ب تاوانا ساختەکاریێ ھاتینە دەستەکرن کو رابووینە ب ساختەکرنا تابلویێن ترومبێلا دیسان ب ھەمان تاوان سێ تاوابنارێن عەرەب ژی رابوینەب سەختەکرنا بەلگەنامەیێن فەرمی وەک رەگەزنامە و دەستیریا ھاژوتنا ترومبێلان و دانپێدان ب تاوانێن خوە کرینە پشتی ھاتینە دەستەسەرکرن.
رائید ھێمن بەردەومیا ئاخفتنا خوە دا ئاماژە دا دو تاوانبارێن دی یێن عەرەب کو ئێک ژ وان ئافرەتە رابویە ب سەختەکرنا گرێبەستێن ھەڤژینیێ و دانپێدان ب تاوانێن خوە کرینە و ھاتینە رەوانەکرن بۆ دادگەھێ.
دەربارەی تاوانا دزیان ژی ناڤھاتی دیارکر کەسەکی ل کومەلگەھا ئەڤرۆ ستی ترومبێلەکا ژ جورێ ئەڤیو دزیبوو لێ پولیسێن سێمێل شیان دەستەسەر بکەن دیسان کەسەکێ دی ژ پارێزگەھا سلێمانیێ ترومبێلەکا ژ جورێ لەگزز ب دزی بربوو سووریێ ب مەرەما فروتنێ لێ پولیسێن زاخۆ شیان ڤی تاوانباری دەستەسەر بکەن دیسان کەسەک ژ ھەولێرێ ترومبێلەکا ژ جورێ پیک ئاب ژ دھۆکێ دزی بوو بەر ب ھەولێرێ بربوو لێ ئەڤ تاوانبارە ژی ھاتیە دەستەسەرکرن.