گوھۆڕین دێ د سیستەم و پرۆگرامێن خواندنا ڤێ کولیژێ دا ھێتەکرن
ئەڤرۆ نیوز:
وەزیرێ خواندنا بلند و ڤەکۆلینێن زانستی ل حوکمەتا ھەرێما کوردستانێ بڕیار دا گھۆڕین د سیستەم و پرۆگرامێن خواندنا کۆلیژێن پزیشکی دا بھێتەکرن و بۆ ڤێ مەرەمێ ژی بۆردەکێ باوەرپێکری ل وەزارەتێ دروستکریە.
د راگەھاندنەکێ دا وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ ئاشکرا کریە کو ب مەرەما پێداچوونێ د ناڤەڕۆکا پرۆگرامێن خواندن و راھێنانا پزیشکی دا و ژپێخەمەت پێنگاڤ ھاڤێتن بۆ ب دەستڤەئینانا باوەریا نێڤدەولەتی بۆ کۆلیژێن پزیشکی یێن ھەرێما کوردستانێ، وەزیرێ خواندنا بلند و ڤەکۆلینێن زانستی بڕیارا پێکئینانا بۆردەکێ باوەرپێکری دا و کارێ ڤی بۆردی یێ پێکھاتیە ژ داڕشتنا میکانزمەکا گونجایی بۆ گەشەپێدانا زێدەتر ب پرۆسا خواندن و راھێنانێ ل ھەموو پشکێن پزیشکی یێن ھەرێما کوردستانێ، د ھەمان دەم دا ئەڤ بۆردە دێ سەرپەرشتیا گھۆڕینێن سیستەمێ خواندنێ ل کۆلیژێن (پزیشکی گشتی، دەرمانسازی، پزیشکی ددان، پەرستاری، زانستێن ساخلەمیێ) کەت و دێ نەخشە رێیەکێ بۆ ب دەستڤەئینانا باوەریا نێڤدەولەتی داڕێژیت.
د لایەکێ دی یێ راگەھاندنا وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ دا ھاتیە کو مەرەما مە بۆ بلندکرنا ئاستێ زانستی و زێدەکرنا ھژمارا قوتابیان ل کۆلیژێن پزیشکی نینە، بەلکو مە دڤێت ل سەر ئاستێ زانستی یێ مامۆستایان باخڤین و دووڤ دا مە پێدڤی ب چ جۆرە سیستەمەکی ھەیە بۆ وێ چەندێ بشێن قوتابیان پێ بگەھینین داکو ئەو قوتابی بشێن دگەل گەشەکرنا زانستی دا بچن.
