23 ھزار ئەندامێن سەندیکایێن کرێکارێن کوردستانێ کێمبووینە
سەرۆکێ ئێکەتیا سەندیکایێن کرێکارێن کوردستانێ لقێ دھۆک، بۆ مالپەرێ ئەڤرۆ نیۆز دیارکر کو ل سێ ھەێڤێن بوری، سوپاس بۆ خودێ چ روودانێن کەفتنێ و گیان ژ دەستدانێ یێن کرێکاران ل پارێزگەھێ پەیدانەبووینە و ب تنێ بریندار ھەبووینە.
عیسا نسری، سەرۆکێ ئێکەتیا سەندیکایێن کرێکارێن کوردستانێ لقێ دھۆک ھێشتا گۆت: “سێ ھەیڤێن بوری شیاینە (7733) ناسناما بۆ کرێکاران چێکەین کو بووینە ئەندام ل ئێکەتیا سەندیکایێن کرێکارێن کوردستانێ لقێ دھۆک، دیسان سێ ھەیڤێن بوری چ کرێکاران گیانێ خوە ژ دەست نەداینە و بتنێ دو بریندار ھەبوون ل سەر کاری ل قەزا زاخۆ”.
عیسا نسری ئاشکرا کر کو وەرگرتنا ئەندامان ل ھەیڤێن ئێک و دو و سێ ل سالا 2014 کو بووینە ئەندام ل سەندیکایێن کرێکارێن کوردستانێ لقێ دھۆک شه‌ش هزار و 512 کرێکار بووینە و ئەڤ سالە 2015 ل ھەرسێ ھەیڤێن بوری حه‌ف هزار و 733 ئەندام بووینە و هزار و 231 ئەندام ھەتا نوکە بەروەرد ل گەل ھەیڤێن بوری سالا بوری ھاتینە زێدەکرن.
