52 په‌رله‌مانتارێن عیراقى داخوازا ڤه‌كرنا دۆسێیا بوردومانێن توركیا دكه‌ن
ئه‌ڤرۆ نیوز:
د نڤیساره‌كێ دا 52 په‌رله‌مانتارێن عیراقى داخواز دكه‌ن دۆسێیا بوردومانێن توركیا بۆ سه‌ر ده‌ڤه‌رێن سنوورى یێن هه‌رێما كوردستانێ بهێته ڤه‌كرن ول دۆر ڤێ چه‌ندێ ژى به‌رهه‌ڤبوونا سه‌رۆك وه‌زیرێن عیراقێ ب پێدڤى دزانن.
ئه‌و نڤیساره ژ لایێ په‌رله‌مانتار كاوه محه‌مه‌ج هاتیه نڤیسین وئیمزایا 52 په‌رله‌مانتاران ل سه‌ر یا هه‌ى وهاتیه بلندكرن بۆ سه‌رۆكاتیا په‌رله‌مانێ عیراقێ.
هه‌ر د وێ نڤیسارێ دا به‌حس ل بوردومانێن به‌رده‌وام یێن توركیا ل سه‌ر ده‌ڤه‌رێن سنوورى هاتیه كرن، ب تایبه‌تى بوردومانا رۆژا پێنجشه‌مبیا بۆرى كو هاتیه كرن ل سه‌ر سنوورێ پارێزگه‌ها هه‌ولێرێ ودئه‌نجامدا چار كه‌س شه‌هید بوون.
داخواز ژى هاتیه كرن ئه‌و دۆسێیه د روونشتنه‌كا په‌رله‌مانێ عیراقێ ب به‌رهه‌ڤبوونا سه‌رۆك وه‌زیرێن عیراقێ و وه‌زیرێ ناڤخوه‌یا عیراقێ بهێته به‌حسكرن.
